09:22 *** | |
 *** Ugrumy ýitirdim, ýitirdim ýoly, Ýüregme erkim ýok, gör-ä, bu haly, Bähbide ýüwürýän şowsuz ykbaly, Ýardam ber, ýardam ber, ýardam ber, eziz! Ejiziň men, garybyň men, guluň men, Toba gapylary açykka heniz. Aýan saňa pälim, netim, hyýalym, Ýardam ber, ýardam ber, ýardam ber, eziz! Islemeseň, Gün dogjakmy säherde, Islemeseň, gül boljakmy baharda, Şujagaz arzuwmy göge göter-de, Ýardam ber, ýardam ber, ýardam ber, eziz! Ykballar päliňden daş goýulmaýar, Saňa uzan eller boş goýulmaýar, Senden özgesine baş goýulmaýar, Ýardam ber, ýardam ber, ýardam ber, eziz! Senden eziz, senden ýakyn kimim bar, Ähli zatdan hasap aljak günüň bar, Synag senden, seň eliňde emim bar, Ýardam ber, ýardam ber, ýardam ber, eziz! Ogulnur ATAÝEWA | |
|
| |
| Ähli teswirler: 1 | |
|
| |
