anbar - näme?
sözlügä diýýä:
Müşk ýaly ýakymly ysly jisim.

Al-ýaşyl bürenip çykar perisi, Kükeýip bark urar anbaryň ysy. (Magtymguly)

Äleme anbar saçar, degende şana zülpüň. (Kemine)

Magtymguly-da jisim hökmünde, Kemine-de ys hökmünde

Goşgynyň adyny okanymdan ussat şahyr Annamuhammet Kirşenowyň ,,Al meni o ýana" diýen şygry ýadyma düşüp gitdi. Ine, meni düýpsüz pikir kölüne gark eden, özüne bendi eden goşgy:

Öwüs, ýel, gel, göwün derde
dilinmeýän ýere äkit.
Gam nämedir, gaýgy nedir,
Bilinmeýän ýere äkit.

Goýma...
Göter, meni alyp,
Göge galyp, galyp, galyp.
Soň yzyňa ýüzüň salyp
gelinmeýän ýere äkit.

Besdir...
Bihuda çisňedim,
Ýagyp-ýagyplar diňsedim.
Aglaşan bolşup, ýeňseden
gülünmeýän ýere äkit.

Al, o ýana,
Apar meni,
Gereklänler tapar meni.
Sanalmaýan puluň, demiň -
ölünmeýän ýere äkit.

Meger dogry. Mümkin telek,
Ýör gideli! Ýör, ýa, pelek!
Ýüregim bolup ot-elek,
elenmeýän ýere äkit.

Baş aýlansyn. Bat al sen, bat,
Barybir men etmerin dat.
Hakdan gaýrysyndan hiç zat
dilenmeýän ýere äkit.

Annamuhammet KIRŞENOW.

Alyñ mendenem ýekeje bent:

Ýegşermesin ýagyr arka,
Bugdaý bilen deň däl arpa.
Diňe gorkulýana sarpa
goýulmaýan ýere äkit!