14:19 Bahar geldi ülkäme | |
 Ýürekler joşanda döreýär aýdym, Menem bu söýgini äleme ýaýdym, Külli türkmen ilim gözüňiz aýdyň, Çar ýanym bag-bakja hem-de erkana, Watandaşlar, bahar geldi ülkäme! Zemin egne geýdi ýaşyl begresin, Gelýär ony maňlaýyma degresim, Şükür Huda aryp gözi degmesin, Ne beýle owadan, ajap görkana, Watandaşlar, bahar geldi ülkäme! Özünden öň geldi mymyk howasy, Säherleri dertlerimiň dowasy, Kabul bolup Babadaýhan dogasy, Gözüň gidýär gül pürkülen mekana, Watandaşlar, bahar geldi ülkäme! Guşlaram baglarda jagylda-jugul, Al eliňe piliň, eý, daýhan ogul, Galkyn, eziz toprak, täzeden dogul, Bagt eçilmiş Hak tagala ýalkana, Watandaşlar, bahar geldi ülkäme! © Süleýman TEKÄÝEW | |
|
| |
| Ähli teswirler: 1 | |
|
| |
