11:47 Bir gün | |
BIR GÜN  Bu günleriñ geler bir gün ahyry, Gujagymdan sogrup alar täleýiñ. Gursagymy ýaryp çykjak ahymy, Goşgulara paýlap bermän nädeýin?! Kirpikleñden armanlaryñ üzüler, Nälet okap gidersiñ sen kysmata. Düýşleriñ hem serial kibi düzüler, Ukularñy ýatlamalar gysmasa. Ýok! Düýşlerimiz oýa galar, ezizim, Syrlaryñ üstüne atylar kürtäñ. Bilýän, aglap boýa galar, ezizim, Bizi armanlaryñ bagrynda örtän. Söýgümiz duýmady serhedin, parhyn Aramyzda ýaýlyp ýatan ýyllaryñ. Kesgitlejek bolman pursatlañ nyrhyn Diline düşündik näzik ýelleriñ. Bu günleriñ geler bir gün ahyry, Nesibäñden başga biri çykanda. Oýarar gijeler iki şahyry Bir ýyldyrym iki ýerde çakanda... Nämälim ýyllar © Akmyrat JUMAÝEW | |
|
| |
| Ähli teswirler: 1 | |
|
| |
