Çykgytlar:
* Adina Pearl – «Giňlik»
** Sename Jeremain – “Perişdeleriň syry”
*** Bu aýdym täze bolmaly, adyny menem bilemok.

Hekaýa 2022-nji ýylyň martynda ýazylan bolmaly. Edil "Çöpleýji" ýa "Günüň çyrazlary" ýaly gyzgynjak hekaýalaryndan däl diýip aýdýan.
Ondan soň Seýran kän zatlar ýazdy, tüweleme. Indiki ýazjaklaryna-da garaşýan.

Özüni tapaly bäri adamlary terk etmäge başlapdy, bar bolany

hekaýany gowy gördüm.

Iň bärkisi, türkmen edebiýatynda täze temany gozgaýandygy üçin gowy eser, ruslarda psihiki fobiýalar sowet döwründe-de işlenýärdi. Seýran tema taýdanam, stil taýdanam üýtgeşik ýollary gözleýär öýdýän.

Elbetde, iňkise gitdirýän ýerleri bar. Öňi bilen beýle temalary işlemek üçin, birinjiden-ä, bu ugurdan (psihiki fobiýalar barada, çünki bu – hassalyk, ýagny lukmançylyk ylmy tarapyndan öwrenilýän we köp ylmy-populýar edebiýatyň ýygnanan sferasy), ikinjiden, awtoryň synçylyk sypaty bolmaly, çünki ol öz synçylygynyň üsti bilen bu ugurda täze, gyzykly zatlary açmaly, diňe okan zatlaryny ýazmaly däl, üçünjidenem, bu ýerde awtoryň durmuş tejribesi hem talap edilýär.

Indi bolsa, biziň pikirimizçe, gös-göni görnüp duran nogsanlary aýdaly.

Awtor Agasalyh barada “Okumyş, köpbilmiş däl, sözleri göýä saýlap-seçip ulanýan ýaly, artyk ýa kem ýerine duş gelmeýäň” diýýär.

“Köpbilmiş” – bu mydam negatiw söz, ol ýa-da “aly-ýoly köp mekir-hilegär-şeýtan” manyda, ýa-da “özüni hamala köp bilýän ýaly görkezýän öwünjeň” manyda gelýär. “Okumyş” iki manyda gelip biler: birinji, esasy manysynda “köp okan, bilimi köp adam”, ikinji, seýrek ulanylýan manysynda “özüni hamala köp okan ýaly görkezýän öwünjeň” manyda. Meselem, men birine “Aşyr aga, siz okumyş adam” diýenimde ýaňsyly äheňde aýtmasam, ol kyn görmez, normal kabul eder. Onsoň Agasalyhyň bilimliligi barada nähili manyda aýdylýandygy düşnüksiz bolýar.

Awtor “Agasalyh okumyş däl, ýagny köp okamadyk, emma sözleri göýä saýlap-seçip ulanýan ýaly, artyk ýa kem ýerine duş gelmeýäň” diýýän bolsa bu käbir adamlaryň durmuş tejribesiniň kemliginden gelip çykýan düşünje. Sözleriniň göýä saýlap-seçip ulanýan ýaly, artyk ýa kem ýerine duş gelinmezligi üçin adamyň hut okumyş bolmagy gerek. Az okan, bilimi pes adam sözleri saýlap-seçip ulanyp bilmeýär, artyk ýa-da kem gürleýär. Maňa, meselem, käte: “Teswiri ýönekeý, gysgaça aýdyp goýber” diýýärler. Aýtjak zatlarymyň manysyny şol bir dolulygyna, emma has ýönekeý ýa-da has gysga berjek bolsam bu maňa aňsatlyk bermän, gaýtam has ussatlygy ýa-da şol ussatlyk bolaýanda-da has zähmeti, ünsi we wagty talap eder. Şeýle diýen adam menden has aňsat zady däl-de, gaýtam has kyn zady haýyş etdigi bolar. Agasalyhyňam beýdip “dür saçmagy” üçin onuň hut okumyş bolmagy gerek bolýar (dogry, ýönekeý beýan etmek aýratyn bir zehine-de bagly, Kant ýaly käbir ägirtlerem tagyşyksyz, bulanygrak beýan edipdirler, emma häzir bu meselä çuňlaşmalyň).

“Onça okan kitaplary...” diýşinden-ä, Agasalyh köp okan ýaly. Onda o nähili “okumyş däl”? Düşnüksiz.

Onsoňam awtor Agasalyhy bir tarapdan-a döwrebap günbatar aýdym-sazlary bilen gyzyklanýan häzirkizaman oglany hökmünde görkezýär, beýleki tarapdan bolsa ony diýseň estet, изысканный etjek bolýarmy, nämemi, garaz onuň hatlary şeýle bir “замысловатый”, “затейливый”, “мудреный” diýen stilde welin, dogrusy gapdalyndan özüň utanýarsyň. Orta asyrlar gündogar köşk şahyrlarynyň “витиеватый”, “напыщенный” goşgularyna meňzeş. Beýle sözler häzirkizaman gyzlarynda diňe ýekirmeden başga reaksiýa oýaryp bilermikä? Ýaş oglanlar synanyp göräýsin internetde şeýle sözler bilen gyzlary yrmaga. Rus gyzlary-ha “что за словоблудие” diýerler, garantiýa. Garaz, Agasalyk şeýle söz oýnatmalara esaslanyp, özüni çuňňur hasap eden bolsa, hakykatda ol gaty telper bolup çykýar.

Hatda awtoryň özi hem çynlakaý, ýönekeý beýan ediş uslybyndan (stilinden) büdräp ”Çukurlaryň iň çuňuny... gyzyň ýaňaklarynda görüpdi” diýip, şol ýeňles söz oýnatma düşüp oturyberýär. Dogry, kä gyzlaryň ýaňajyklaryndaky “melegiň belligi”, “Kupidonyň posasy”, “söýgi çukanagy” diýilýän ol çukurlary (hakykatda iýmit çeýnemäge we ýylgyrmaga ýaramly duluk myşsalarynyň derä ýelmeşip ösmegi bilen bagly DEFEKT) häzir kosmetki emel bilenem goýýarlar, şeýdip lukmançylyk sag adamlara emeli ýol bilen defekt goýýar. Ýöne şeýle süýjüdir öýdilip goýulýan myltyk sözlerem eserde defekt bolup durmyka diýýän.

Iň esasysy bolsa, “Özüni tapaly bäri adamlary terk etmäge başlapdy” diýen jemleme hut şu eseriň maňzy bolup bilermi, şu sorag astynda. Umuman, eser şuňa syrykdyryljak bolsa ol sosiofobiýa temasyndan däl-de, ýalňyzlyk (одиночество) temayndan başlamaly ekeni. Sosiofobiýa bir kesel, özüňi tapmak bolsa onuň çözgüdy bolup bilmez. Sosiofobiýa bilen özüňi tapmak – başga tekizliklerde ýatýan meseleler. Olaryň kesişýän nokatlary hem bolup biler. Emma özüňi tapmak – ol şahsyýetiň öz ýaşaýşynda iň möhüm, ekzistensial meselesi. Sosiofobiýa bolsa utanjaňlygyň fobiýa çenli ösüp geçen agyr formasy, ýagny psihoterapiýanyň meselesi. Elbetde, şahsyýet bilen bagly tarapy hem bar, şahsyýetiň ösüşi arkaly hem çözülip bilner, emma her näme-de bolsa özüňi tapmak – muňa jogap däl.

Men-ä şo ýerine okumyş, (ýöne) köpbilmiş däl, ... diýip düşündim.

Hä, täze döreýän tapmaça-eserlerden diýsene. Berdi Kerbabaýew "Aýna owadan, akylly gyzdy" diýip ýazanda internet ýok ekeni. Ýogsam işlän adam "owadan, emma akylly däldi" diýip okap bilerdi, şeýle bolýar-da onda?

ýok. siziň diýýäniňiziň jany ýok däl. tekstiň dowmyndan bildim menem. şeýle diýjek bolanyny. aslynda otaýda ýöne many ýogam. intonasiýany köpräk saklamaly. öňem biriniň birini taryp edendäki edişi ýaly (sportsmenka, komsomolkä i prosta...) okumuş,,,,,,,,,,, köpbilmiş däl,,,,,,,,,,,,,...

nokat goýan bolsa boljagam eken okumuşdan soň.

haladym.

"Daşarda adamlaryň bary öýlerine ýa-da sümelgelerine ýygnanypdyr".
kellä gelen zat adamlaryň iki görnüş ýaşaýan ýerleri bar.
birilerinde – öý, o birilerinde – sümelge.
dogry şo.
---
"Ýöre-de gez, gez-de ýöre... hezillik. ...Ýat-da ýaz, ýaz-da ýat... azajyk hezillik".
şeýle-je sözlemler birhili işdäňi açýar, ýöräp-ýöräp gezesiňi ýazyp-ýazyp ýatasyňy getirýär.

Agasalyh – adam geň ekeni.
ýene bir gezek halanymy aýdyp 5 ýyzzylam basýan.

hää...
hekaýada Agasalyhyň aşyk bolan gyzlaryna "...jemi dört hat ýazandygy" aýdylýar. emma welin bizi olaryň diňe ikisiniň bölegini okatdy...
bu bilgeşleýin edilen usulmyka?
4 hatyň ýazylanyny aýdyp 2-sini görkezýä.

hekaýany haladym.

ille de bir bellik etmeli bolsa (şunýaly eserlerden garaşýan zadymy aýdaýyn), sýužet diýilýämi, nämemi, şo zat ýok. waka ýok. belki bolmaly diýen zadam ýokdur. men ýöne, men ýene şonýaly zat balyny has gowy görýän. ne gözel keşp, ne gözel harakter, ne gözel akgynlylyk, ýene bir topar ne gözeller... ýene-de ýekeje gözellik goşypjyk, uzyn başdan geçirme diýemok-laý, bir wakajyk goşaýmaly-da...

şizofreniýasy tutup başlanda begenip başladym-da welin, awtoryňam şizofreniýasy tutdy-da, gahrymanyny gaçyraýdy.

hä, gahryman gaçanda ýada düşdi, kimiňkidigi aklymda däl, bir eser bardy: gahrymany kitaplykdaky kitaplaň içine girýädi. şony paýlaşyňsana, kimde ba bolsa. Maksadyňkydy öýdýän ýalňyşmasam.

Seýranyñ hekaýalaryny gowy görýan. Nämesini gowy görýan diýsene... okap otyrkañ okyjyny bir ýerlere äkidip bilşini. Niräk äkidýär diýsene - hekadaky gahrymanyñ täsin dünýasine.

sussupessimiste berekella diýesim gelýä.
gowy eserlerden başga-da gowy suratlar üçin.
geňje suratlar tapýar (bazarlamany bilip ýaty. surata seredibem okasyňy getirdýär).

Onda düşünen bolsaňyz maňa-da aýdaýyň:

Agasalyhyň sosio-fob bolmagy (Siz şizofrenik diýýärsiňiz, emma şizofreniýadan ilki sosio-pat bolmaly, onsoň şizik), garaz, psihiki derde duçar bolmagy onuň ÖZÜNI TAPMAGYNYŇ netijesimi?

Özüňi tapmak - şahsyýetiň kemilliginiň aňrybaşy.

Meniň bir gowy görýän adamym (Hudaý daş etsin) sosiofobiýa uçrasa, men "ol özüni tapdy" diýip begenmelimi?

Beýle derdiň özüňi tapmak bilen nähili dahyly bolup biler?

Özüni tapan adam "УЕДИНЕНИЕ" diýen zada baş goşup biler. Mysal üçin, Magtymguly. Islendik kämil adamda şol ýagdaý azda-kände bolýar. Döredijilik üçin "УЕДИНЕНИЕ" hökman gerek. Ol ""ОДИНОЧЕСТВО" diýen zadyň sinonimi däl-de, gapma-garşylygy.

"УЕДИНЕНИЕ" bolan adamlar hiç haçan özlerini ýalňyz duýmaýarlar. Magtymguly ýalňyz otursa-da Allasy, il-güni, milleti, geçen beýik ynsanlar, adamzat onuň bilen.

Sosio-fobiýa - myrtar dert, betbagtçylyk, ol bejerilmese şahsyýeti kem-kemden weýran edýär.

Ýagşy-da bir özüňi tapmakmyş...

Belki, men ýalňyşýandyryn, bilemok.

Onda, lutfen, açyklasaňyz?

Sosiofobiya - ya-da "köpçülige bolmayanlygy" köpçüligi yamman gowy göryän adamlar uçin kesel bolup görnüp biler. Ya-da tersine, yekeligi gowy goryan adamlaram, belki, ekstrawertleri kesel hasaplayandyr. Синдром дефицита внимания diyen yaly bir zadyň simptomy hokmunde (munuň başga zatdygyna düşünyän).
Hatlary - aňyndaky platoniki soygulilerine, ozem köööne dokumental filmlerde görüp, aşyk bolan gyzlaryna yazyar (namuçindir, Aşgabadyň yüzyyllygyna düşürilen film yadyma düşdi). Onsoň ol hatlarda ilkibaşdan gönderilmek ya yrmak ähtimallygy yokmyka diyyan.

dogrusy, bilemok. bilmeýän zadyňy nädip düşündirjek (ritorikiý ?).

googledan gözlän bolubam bir zatlar ýazasym gelenok.

ýöne (iňlisleň diýşi ýaly "but"), sosiofobiýaň, belki, ýönekeý garasöýmezlikden başlap, nämä çenli diýjegimi bilemok, stepleri bar bolaýmasa. olar edil sosiopat ýaly däldirlermikä diýýän.

Atasalyham birinji basgançagyndakylaň biridirdä. ýagdaýy meňkiden-ä gowy eken.

şizofreniýäň nämediginem bilemok (wiky-den sorasaň aýdaram welin, başda aýdyşym ýaly...). kinolarda gören zatlarymdan çen edýän: gözüne birzatlar görünse, olar bilen gepleşse... şizik bolýamyka diýýän.

başga-da näme diýjegimi bilemok. hekaýany haladym. tanaýan harakterim. belki ady goýulmadyk bir keseldir. başga-da bir görnüş häsiýetli adamlary bilýän. özüni towuk keteginde, towuga "eje" diýip, horaza "kaka" diýip önüp ösen guw ýaly duýýan adamlaram bar. olara näme diýjek.

Atasalyh diýipdirnaý, bagyşlaň, Agasalyh bolmaly.

Şizofreniýa - adamy adamdan başga bir zada öwürýän heläkçilik.

Döredijilige hiç hili dahyly ýok.

Fobiýalardan, patiýalardan, şolar ýaly otklonenýalardan başlanýar.

"Agasalyh özüni tapdy, hekaýa ýazmaga gitdi" diýip, ak pata berýärsiňiz.

Ýazmaz. Ýazyp bolandyr. Patalogiýa hekaýa ýazmaga kömek edenok.

Hiç birimiz ýakynlarymyzyň şeýdip "özüni tapmagyny" islemeris, şeýledir-ä?

Döredijilik hem adamy nenormalnyý ýagdaýlara salyp bilýär.

Ýöne ol başga zat. Soňrak elim boşaşanda açyklaryn pikirimi.

Onsoňam Agasalyhyň öň hem hyýaly söýgülilerine aýdýan komplementlerinde üýtgeşik bir estetiki gymmat ýok. Ýalpak pikirler, suwjuk duýgular.

Introwertlik - kesel däl, hatda nenormalnyý ýagdaýam däl.

Ekstrawertlik bolsa "hemmämize nesip etsin" diliýilmeli nygmat.

Hemme zady bir zibile goýduňyz üýdýän.

Köne filmlere söýgini dagy bu ýere asla getirmäň.

Köne filmleri söýüjiler üçin ýörite kanallar bar. Şeýle köp jemende olar, aňrybaş kadaly adamlar.

Eýranyň bir kanaly bardy, esasan 19. asyra, 20. asyryň başlaryna degişli fotosuratlatlry goýup, köne aýdymlary goýberýärdi. Kän serederdim.

Hiç hili dahyly ýok.

Däli kellelerden getirip, sag kellelere guýmaň agyry.

Men bir sada oglan-da



bir matematik hakda kino gördüm. realnyý sobityý diýseler ynanypdyryn. guguldan kinoň adynam («Игры разума»), matematigiň adynam (John Forbes Nash, Jr.) tapdym.



matematiklerde bolup, edebiýatçylarda bolýan däl bolmagam ahmal. ýöne men Ýeseninden şübhelenýän, Gogoldanam (google däl, Н. В. Гоголь).

bu hekaýa-da "saýt yrandyran" hekaýalardan ýaly...
ýer yranmasy dowam etjege meňzeýär.

Bay-ba, Yagmyr aga, pikiriňe hormat goyyan, yone bir söze yapyşmaň bolanok, agam.
Bu metod bilen okajak bolsak, seň getiren sözüň bar:
"Şizofreniýa - adamy adamdan başga bir zada öwürýän heläkçilik"

Шизофрения – — это психическое заболевание, при котором изменяются мышление и поведение, появляются галлюцинации и бред, а также апатия, безвольность, обедняются эмоции. Некоторые психические особенности, свойственные здоровому человеку, пациент с шизофренией утрачивает частично или полностью.

Hany bu yerde seň aydyan zadyň diyip, ayak depip durubermeli. Yone seň diyyan zadyňam başga, yonekeyje sozler bilen düşündirjek bolyanyňy göz öňüne tutmaly, dogry gerek? Ya катастрофическая перемена личности с человека во что-то другое diyen yaly kabul etmelimi? Yagny, şizofreniyaly adamlar indi adam dälmi? Olary haywanat bagyna eltip gaydybermeli bolyamy?...))

Diyjek bolyanym, bir söze yapyşmaly dal, sebabi hekayada ahwallar sözlemsayyn uytgeyar, özgeryar. Seyran edil bir statik (doňup duran) şekil çekmandir ahyryn. Ilki sosiofobiya diyya, soň "köpçulige bolanok" diyseňem bolya diyya, soň gahrymanyň ahwalyny analizlap başlaya, çuňlaşdyrya. "Özüni tapdy" diymankä şeyle sözlemler bar:
"Jemgyýetiň näme günäsi bardy Agasalyhyň şeýle bolmagynda? Ýalňyzlyk ady bilen meşhurlyk gazanan, gadyry bilinmeýän närse-de däldi gorkusy. Belki gorkusy bireýýäm tozana dönendir. Ýa täzelik gözleýändir köňli. Özüni tapaly bäri adamlary terk etmäge başlapdy..."
Onsoň "sosiofobiya" diyip durulmagy - hekayany doly okadymyka ya unsli okadymyka diyen şübhäni döredyär. Okansyňyz elbetde, yone izbiratelno analiz etmegiňiz dogry däl.

Hekayaň birinji sözleminde şizofreniya diyilse - butin hekayaň dowamynda gahrymanlar gyllygyny akdyryp, bir zatlar mydyrdap oturmalymyka? Ya sosiofobiya agzalsa, köçede adam gördügi, gaçyp yören adam şekillendirilmelimi? Seyran hekayany yazanynda şonuň yaly keseliň aňlatmasyny bermegi maksat edindimi ya başga bir zatlar aytjak bolyarmy? Bu okayanymyz psihiatrik diagnozmy ya adamlardan çetleşip, öz hyyaly dunyasinde aşyk bolup, hat yazyp, gulagyny dykyp aydym diňlap, adam-garasyz boş koçelerde gijelerine gezelenç edyan adam baradaky hekaya? Men namani okayan, sen namani okayaň, agam?

"Ol arhiwden alnyp görkezilýän wideolara ýaman bisabyr garaşýar. Köne klipler, konsertler, şäheriň öňki durmuşy hakdaky dokumental filmler... Bilýäňiz, konsert görkezseler tomaşaçylaram arasyna salýalar. Şolaryň birinde gyzlara gözi düşse ara maý salman aşyk bolup ýetişýär."

Ine, köne dokumentalka diyyanim. Ol diyyan kanallaryňyzyň name dahyly bardygyna düşünmedim gaytam.

Ya-da:
“Özüni tapaly bäri adamlary terk etmäge başlapdy” diýen jemleme hut şu eseriň maňzy bolup bilermi, şu sorag astynda. Umuman, eser şuňa syrykdyryljak bolsa ol sosiofobiýa temasyndan däl-de, ýalňyzlyk (одиночество) temayndan başlamaly ekeni
diyipsiňiz.
Ol yalňyzlygam-a diyenok. "Ýalňyzlyk ady bilen meşhurlyk gazanan, gadyry bilinmeýän närse-de däldi gorkusy." diyyar.
Yeri, şol yalñyzlygyň gürrüňini edyarmişem-dä. Indi eserde boydan-başa yalňyzlyk sozi gaytalanmalymy? Beyleki sözleriň, çaklamalaryň öňüne böwet goyulmalymy?

Eseri tankytdan gorajak bolyandyryn öytmäň. ("Bular tankyda çydanok" diyip başlayanlar bar). Konstruktiw tankydy iki elim bilen goldayan, hatda minnetdaram bolyan. Ustesine-de, her bir eseriň özi özüni goramagy başarmaly. Men bu hekayany Seyranyň yazanlaryndan gowy goryan eserlerimiň hataryna-da salyp bilemok, dogrusy. "Çöpleyjini", "Bonjour", "Melewşe", "Kapuççino"... yaly hekayalaryny has gowy göryän. Yone bu eser, ahli kemçiliklerine garamazdan, hut şu yerde edilen belliklerden özüni gorap bilyarmika diyyan.
Просто не хочу, чтобы читателя вводили в заблуждение / Okyjylaryň pikiriniň azaşdyrylmagyny islàmok diňe (sõzme-söz terjime däldir munym)))

Bu zatlary kimdir biriniň teswirini/pikirini inkär etmek uçin yazamok. Teswirlerde alternatiw pikiriňem bolmagy uçin yazyan.

Hemingueyiň hekayalary, Kafkaly, Don Kihotly, Robinzonly... mesele nahili boldyka, Yaran aga? Okyjylaryň eseri seljerip bilmek hem-de siziň araky makala-teswiriňizde "okyjy azaşdyrmak" barada aydan pikirleriňiz bilen bagly bolansoň gyzyklanyan.

yrsaraýynla saňa, Maxat. (gaty görmejegini bilýän maksat atly tanyşlara mad maks diýen bolýan käte).

1. "Bular tankyda çydanok" diyip başlayanlar bar.
"biz we başgalar" diýen bir zat barmy? (bu şaka)

2. meň bellijegim hakda näme diýýäň? (bu çyn)

3. Ýaran aga şekillendiriş sungatyndanam mysallar getirdi welin, näme üçin pikasso, salwador däli, atdaşyň maks ernst... eserleri hakda soramadyň? ony mango'ya goýduňmy ýa? (bu-da şaka)

3. näme üçin öz eserleriňi, Ahmediň eserlerini kän paýlaşaňok? (bu çyn)

"Hekayaň birinji sözleminde şizofreniya diyilse - butin hekayaň dowamynda gahrymanlar gyllygyny akdyryp, bir zatlar mydyrdap oturmalymyka? Ya sosiofobiya agzalsa, köçede adam gördügi, gaçyp yören adam şekillendirilmelimi? Seyran hekayany yazanynda şonuň yaly keseliň aňlatmasyny bermegi maksat edindimi ya başga bir zatlar aytjak bolyarmy? Bu okayanymyz psihiatrik diagnozmy ya adamlardan çetleşip, öz hyyaly dunyasinde aşyk bolup, hat yazyp, gulagyny dykyp aydym diňlap, adam-garasyz boş koçelerde gijelerine gezelenç edyan adam baradaky hekaya?"

Birmahal ýaşap geçen döredijileriň mirasyny-ha it alan sanaja dönderip, işlän zatlaryny edýärler, sebäbi ol bendeler indi özlerinem, mirasynam gorap bilenoklar.

Bu örän gynandyryjy. Emma beteri hem bar. Ine, Hudaýa şükür, senden-menden diri ýaş awtor. Siz goramak bahanasy bilen onuň eserini işlän tarapyňyza çekip otyrsyňyz. Bu hyýanat dälmi?

Hekaýanyň başynda demir bilen tagmalap ýazýar: "ONUŇ KESELINIŇ ADY - SOSIOFOBIÝA" diýip.

Siz maňa "Men nämäni okaýaryn, Siz nämäni okaýarsyňyz?" diýýärsiňiz. Men näme ýazylan bolsa, nämäni görýän bolsam şony okaýaryn. Siz bolsa öz işlän manyňyzy berip, işlän zadyňyzy okajak bolýarsyňyz, şoňa hakyňyz bardyr öýdýärsiňiz. Siz bu nogsanly kosepsiýaňyzy öňe sürmegiňizi erjellik bilen dowam etdirýärsiňiz. Emma mundan diňe özüňiz däl, awtorlar zyýan çekýärler. Olar beýdip goralmagyna mätäç däl. Ýaşlara tankyt diňe peýda berer.

"Hekaýanyň birinji sözleminde bir fobiýa agzalsa (şizofreniýa diýen dowzahy agzamaň how, hekaýada ol agzalanok, şizofrenikleriň geljegi bolmaýar, 10-20 ýyl kösenip, soň ölýärler, men şuny daş gulakdan bilemok) bütin hekaýanyň dowamynda şony tutup oturmalymy?" diýýän manyda igenýärsiňiz.

Elbetde, şony tutup oturmaly, bu awtoryň beren başlangyjy. Ýöne agzanok, kesgitleme berýär, diagnozyny goýýar: "ONUŇ KESELINIŇ ADY - SOSIOFOBIÝA!!!" Onsoň biz awtoryň çyzan çyzygyndan çykmaýarys, biz oýnuň düzgünini berjaý edýäris.

Şu wagt awtoryň ýerinde bolmagy arzuw etmezdim. Sen diri, sosiofob barada hekaýa ýazdyň, häzir bolsa eýýämden hekaýaňy kellä geýip otyrlar. "Bu hekaýa başga temadan" diýýärler. Ýene birisi şu ruhda dowam etdirip, öz pikirine laýyk grtirmek üçin birinji abzasy aýryp çap etse nädersiň?

Biz bolsa hekaýany gylyny gymyldatman, bolşy ýaly kabul edip, soňra tankyt edýäris. Bu konstruktiw çemeleşme.

"Sosiofob adam görse gaçyp ýören däl-ä" diýýäňiz. Gynansagam, olar hut adamdan gaçýanlar. Agasalyh käri boýunça tehniki bir hünermendir diýip pikir edýärin, çünki beýle hassalykly adamlar eýýäm köpçülik bilen işleşmäge ýaramly bolmaýarlar. Bu fobiýa şahsyýetiň durmuşyny hem, işini hem bozgunçylyga salýar.

Yone dogrudanam Mad bolaymagymam ahmaldyr, bellisi yok))
1) "biz we başgalar" diyen zat yok. Gürrüňem şonda. Meň, Ahmediň, Seyranyň, Umydyň, Mukamyň, Nejebiň, Merdanyň hem Musaň doredijiliginiň arasynda döwürdeşligimizden başga umumylygam kän yokdur, dunyagarayşymyz, düşünjämiz, yazyş stilimizem başga. Yone kä yerde (nirdeligini aytmayyn, özleri biler) "bular" diyip, barymyzy bir çukura "tüyküryànler" bar (aytgyny yoydum, bilyän)).
2) haysy bellikkä? Syuźet yoklugymy? Munda syuźet bar, yone passiw syuźet, ahli "hereket" Agasalyhyň hyyalynda hem daş-towereginde bolup geçyàr. Dessurlayyn, wakalar yzygiderli yayylyp gidyan syuźet däl, dogry, yone beyle yazylyan eserler az däl.
Ine, Źorź Perek atly fransuzyň "Вещи" atly powestinde, mysal uçin, syuźet yok. Musaň "Kürekçisinde", "Şlagbaumynda", Ahmet Meläň "Damar hem damjasynda" kan bir bildirmese-de - syuźet bar. Yone gaty passiw syuźetler, sebabi bir ahwalaty merkeze goyup, hekayanyň özi gymyldaman oturan gahrymanlaryň daşynda aylanyar (biz Yeriň aylanşyny duymasak-da, onuň mydama hereketde bolşy yaly, gije/gündiz)
3) :) howwalay, Mangoňam yogsam yaltalygy çykypdyr))
Yene bir 3) paylaşmakçy, nesip bolsa. Esasan tazerak yazylanlardan goyasym gelyär. Ahmediň köne hekayalaryndan paylaşjak bolanymda: "Öňki yazylanlardan okyjylaň agzy yagjarasy yoklay, dost" diyipdi. Indi irki eserlerimiz gozumize bir tuyslije, gögele gorunyär (hamala indi uytgeşik bir zat yazyp yoren yaly diyilmegem mumkin welin))

oýun-çyn diýmän jogaplanyňa minnetdar!

başga soraglaram bar welin, eserler barada, reportaž bolup gitjek. şoňçüýn üstünlik diläp goýýan.

(kimiňkem bolsa) eserlere garaşýan. teswir ýazylmasa-da, okalýandyr.

Men yaş awtory tankytdan gaçyrjak bolamok, Yaran aga. Yone hekayanyň diňe birinji sõzlemini demir bilen tagmalap, eyyam üçünji sözlemini mis ya alyumin hasaplamagyňyz dogrumy diyip sorayan. Ol sözlemde awtor: "Köpçülige bolanok diýip, çeperleşdirseňem bolman duranok. Asyl Agasalyhyň köpçülik bilen işem ýok. Köçä çyksa, ýöreýşinden, geýnişinden, gürleýşinden, hatda, özi özünden çekinýärdi" diyyar, yagny eyyäm şu yerde gahrymanyň derdiniň diňe sosiofobiya aňlatmasyna sygmayandygyny yaňzydyar.
Indi oň yaly fobiyaly kesel adam öz-özündenem çekinyän bolsa, ölübermek galyar diyseňem boljak, yone yzyany onuň durmuşda bir zatlary hezillik hasaplap yaşayanlygam gorkezilyar. Şol jümleleri name uçin alga almayanyňyza düşünemok.



Eger awtor yazan zadyny şeyle sözler bilen başlan bolsa, onda aydanyňyzy iki elläp goldardym. Yone awtor Agasalyhyň derdiniň sosiofobiyadan has çylşyrymlydygyny butin hekayaň dowamynda yaňzydyp durka, birinji sözleme (birinji bolsa-da) beylekilerden has uly agram berip, yapyşyp oturmagy dogry hasaplamok.
Bu elbetde meniň pikirim, hiç kime zorluk bilen muny kabul etdirjek bolamok. Yokarda-da aydypdym – alternatiw garayyş hem bolsun diyip yazdym.

"Asyl Agasalyhyň köpçülik bilen işem ýok. Köçä çyksa, ýöreýşinden, geýnişinden, gürleýşinden, hatda, özi özünden çekinýärdi"

Siz näme üçin bu simptomlary sosiofobiýadan daşary, ondan has agyr ruhy derdeserler hasaplaýarsyňyz.

Bu alamatlar awtoryň sosiofobiýa hakda azda-kände öwrenendigini görkezýär. Bular hakyt sosiofobiýanyň alamatlary ahyryn. Bulara bir söz bilen "низкая самооценка" diýilýär. Sosiofob özüni mydam kemis, hiç zadyň alnyndan däl görýär. Özüniň güýçli taraplaryny görmeýär, birkemsiz eden işini hem şowsuz hasaplaýar. Eden işlerini, aýdan sözlerini soňundan dynuwsyz analizleýär. Özüçe ýoklaryň "ediberşine" haýranlar galýar.

Ynanaýyň, bu adamy kem-kemden igledip, iň soňunda tepbidini okaýan dert. Olaryň karýerasy hem, durmuşy hem weýran bolýar (bejerilmese). Beýle adamlar hekaýa ýazyp bilmezler.

Ynanaýyň, munda hiç hili hezillik ýok. Ösüş barada gürrüňem ýok.

Garaz, diýseň-diýmeseň, "saýty yrandyran, Ýaran agany jibrindiren" hekaýa boldy bi. Häzir aýratyn çykyş ýazmaly boldy. Teswiri 60-a ýetdimi?
Teswir 70-e ýetiberse jedeli goýýaryn. Ýogsam teswirleri yzarlamak tehniki taýdan kyn bolýar.

Şeýdibem, Heminguýeýli, Kafkaly gürrüňlerem galyp barýar, nesibeli güni bardyr-da.

"Ynanaýyň, bu adamy kem-kemden igledip, iň soňunda tepbidini okaýan dert. Olaryň karýerasy hem, durmuşy hem weýran bolýar (bejerilmese)."

Muny tizräk Seýrana ýetireli. Agasalyhy psihiatrik hassahana salyp, bejertsin))

Baý-buw, teswir ýaňy 33-e ýetipdir, polno wperýod!

Siz awtora beýdip "aýy ýagşylygyny" edenden, gaýtyp başga zat etseňiz gowy bolardy.

Meselem, şeýle sorag berip bilerdiňiz: "Näme üçin Siz ilki Agasalyh barada "Onuň keseli - sosiofobiýa" diýip, turuwbaşdan beýle hassanyň sprawkasyny berýärsiňiz (aslynda ol muny nireden alypdyr, kim resmileşdiripdir, okuja beýdip tanyşdyrar ýaly), soňam yzysüre "Ýöreýşini görüp bilseň, özüne ýetýän göwnünden ýaňa dünýä sygmaýan ýalydy" diýip, самооценкасы dyňzap, прёт edip duran şahsyýeti suratlandyrýarsyňyz? Heýem sosiofobda beýle ýokary самооценка bolarmy? Beýle krutoý самооценка heýem sosiofobiýa ýer goýarmy? Şonuň özem bu derdi ýeňip biljek ahyry" diýip sorap bilerdiňiz. Hut şeýle soraglar oňa peýdaly bolardy.

Siz bolsa awtor hiç hili soragdan, jogapkärçilikden azat hökmünde, onuň ýazanlaryny bolsa "mukaddes ýazgylar", "Hudaýyň namalary" hökmünde kabul edip, okyja hem olary kabul etdirmegiň kül-külünde ýaly görünýärsiňiz. Birhili howandar rolunda ýaly.

Wazgeçiň. Bu hekayalary bize ýetirmegiňiz eýýäm ýeterlik hyzmatyňyz. Sag boluň!

Emma biziňem awtora ýamanlygymyz ýok. Aýtmaga hoşallykly sözlerimizem ýok däl. Belki, guwanyp oturandyrys, kim bilýär? Emma oňyn bellikleriň, minnetdarlyklaryň plany bireýýäm doldy. Tankyt edýän ýok, özüm daýanmasam.

Men hekaýanyň ideýasyny nogsanly hasaplaýaryn (çykyşymda delillendirerin). Emma, belki, bu geçirmeli etapdyr, synag edilmeli tejribedir, ýalňyşyp öwrenilmeli sapakdyr.

Hekaýany okanymda sosiafobiya keselini aýdýar. ( meniñ pikirimçe sosiafobiýa keseli bilen kesellän işine jür bolmaýar,
Hat-da işede çykmaz)

Soñ yzyny okadym özüniñ çekinjeñligi- göwni ýetiji ýöreýiş göniden göni bir birine garşy gylyçlaşýar. Okyjyny nähili imrindirýär. (Islendik adam ýekelikde özüniñ häsiýetini üýtgeßik hereketde görmek üçin hyýaly pikirde ýaşaýar) şonuñ üçin okyja gapan(lowuşka) gurulan.

Käbir ýagdaý gije gezim etmegi köp kişi halaýar, lezzet alýar, pikirlerini durlaýar. Bu sosifobiýa bolmaýar.

Özüni okumyş-köpbilmiş däl diýip ýene-de B[Onça okan kitaby, tomaşa eden kinolary, moda gepleşikleri, stil lakyrdylary... Iň bärkisi, özüni tanamaýanlaryň duşundan geçesi gelýärdi.]

Bu ýerem garşylykly.

Adaty durmuşda adamlaryñ köpçülikden ýadan wagty özüne dynç bermek üçin şeýle häsiýete geçmegi bu wagtlaýyn zat

Ýaran aganyñam aýdýany dogry

"Muny kesel saýmaýanam bar". Şeýlemi?

Bütindünýä Saglygy goraýyş guramasynyň Keselleriň we saglyk bilen bagly problemalaryň synplandyrmasynyň 11-nji täzeden seredilmesinde (1990-njy ýyldymy) psihologik kesel diýip kabul edilen zadyny kesel saýmaýanlaram bolsalar bardyr.

Dümewi hem kesel saýmaýanlar bar.

Başga näme? "Okyjy hem, ýazyjy hem näçe nadan bolsa, şonça gowy" diýen netijä geldikmi?

Dinden azat bolup bilersiňiz, ahlakdan azat bolup bilersiňiz, akyldan hem azat bolmagy öňe sürüp başladyňyzmy?

Dälilikde gözellik görüp bilersiňiz, emma beýle owadan dälilikler üçinem akyl gerekdir.

"Däli-diwana aşyk" - gyzykly.
"Samsyk aşyk" - bolgusyzlyk.

Agasalyh şolaryň haýsysy?

Onuň hyýalyndaky gyzlara aýdýan "nepisliklerini" okaň, soň oýlanyň.

Bu temadan aydyp biljek soňky sözüm:
Agasalyh gorkmaz yalam däl...

Ýaran, ne bir gözel hekaýañ gözini çaşyñ gözüne dönderdiñ. Ýaranyñ mahsady öziniñ başky pikirini hakly çykarmakdan başga zat däl.

Gije gezim etmegi menden soraň.

Ýaş wagtynda täze ýyl gijesi beýleki şähere myhmançylyga gidip, ýeke özüm "halk gezimine" gatylardym (Häzir täze ýyl öýlerde bellenilýär, ol wagt halk "до утра" köçede gezerdi, meýdamçalarda alma atsaň ýere düşmezdi). Şol tanamaýan toý mähellesinde gezmek maňa
jennetdi.

Öz şäherimde gezsem her minutda bir tanyş salamlaşyp gürleşýär, maňa bolsa bu gerek däl.

Emma men asla sosiofob däl. Alyşýaň adamlarym bilen sagatlarça hezil edinip söhbet edýärin. Çykyş etmeli bolsa hiç taýýarlyksyz çykýaryn, audotoriýadan soň gelip, ýörite "sagbol" aýdýanlar bar.

Sosiofob üçin bu zatlar sakar dowzah.

Gije 03-den soň köçelere aýlanardym. Polisiýa bilen kän problemalar boldy. Düşünýän bar, dikdüşdi bar, tanyş bar, tanyşyň tanşy bar, iş saparyna gelenler bar (olar ýakaňy goýbermezdi, ýok zatlar tapardylar). Garaz, olar meni ruhy trawma etdiler diýsem ýeridir. Munuň hekaýaryny gürrüň bersem gutarmaz.

Häzirem ir agşam, käte giç agşam gezelenje çykýaryn. Ýöne köçelere däl, tebigata. Ine, hezillik!

Başyndan diýagnozy näme sebäpden berildimä?

Gijan ici, sagat 4:13-de ala goh edip guldimay. "Hic gulejegim yokdy, Allah'da seni guldursin" diyyami turkler...

Indi bolsa, hekayany ojalyñ...
Nobatdaky gezek...

Ala goh bolar yaly zadam yok eken-a. Gul yaly hekaya.
Edebiyat ayna yaly-da...

Heh...zaññar!