,,Bir Oguz ýigidi, bir Turan merdi" diýilýän Jelaleddin däl-de Seýraneddin gerek?!
,,Ýumrugyny dişläp gygyrýar çasly" Hawa, hawa, Seýraneddin eken. Seýranedin ibn Otuz al Şabat ýumrugyny dişleýä-çeýneýä. Jelaleddin bolsa ýumrugyny çeneýär.
hümmm, Seýran, sen hakyl edýäň. her näme-de bolsa 21-nji asyryň adamsy 21-nji asyryň adamsy bolaýýar.

men-a almadym. düşünmedim.
gizli-gizli, syrly-syrly gürrüňler.

Häzir çozuň meň üstüme gygyryp,
Akja baýdak alyň päk eliňize.

çozulýan bolsa, neden akja baýdakly çozmaly?
ak baýdak - kapitulýasiýaň simwoly dälmi?
(Белый флаг используется в международных отношениях как просьба или требование о прекращении военных действий, знак перемирия или предложения переговоров. Также это и символ капитуляции, то есть безоговорочной сдачи на милость противоборствующей стороне.)

owadan setirler welin bar goşguda:
Hatda, maý tapanok rahat ölmäge,
Ajaly egninde göterip gidýär.

(hüňürdi) Tropikler üçin däl-ow byl-ow

Arada bir halypa türkmen şahyry:

"Şygyr hakyky bolanda okyjylar şahyryň näme ýazandygyny düşündirip başlaýarlar. Diňe şondan soň şahyr özüniň näme ýazandygyna akyl ýetirýär"

diýen eken.

Men muny, elbetde, oýun-degişme hökmünde kabul etdim.

Ýöne öň okamadyk şol şahyrymy indem hiç okamazlyga karar etdim. Şeýle zady oýun edip aýdybam bilýän bolsa.

Görýän welin, onuň sözüni çyn kabul edenlerem, bu ýörelge boýunça işläp ýörenlerem bar ýaly.

Birmahallar Welmämmet aga Pyragy atamyzyň toýda okalan kitabyny bir düýesine çalşyp alyp gaýdypdyr. Sebäbi?

"Ondaky şözler biz ýaly çopanyň hem düşünip bilýän sözleri eken-ä. Men bolsam kitap diňe ylym alanlara, ahun-mollalaraa düşnükli zatdyr öýdýärdim" diýýär.

Magtymgulynyň özem sözlegende söz manysyny aňmaýanlara igenip, diliniň dür saçýandygyny,
sözüniň "bilene söz, bilmedige gury owazdygyny" kän nygtapdyr.

Men-ä şahyr başgaça bolmalydyram öýtmezdim.

Indi başgaçamyka ýa öňem şeýle boldumyka?

Magtymguly atamyzyň töweregine üýşüp, oňa ýerli-ýerden öz şygyrlarynyň many-şerhini düşündirip oturan adamlary göz öňüne getirýärin. Beýik akyldar şahyrymyz olary ünsli diňläp, aram-aram baş atýar. Öz şygyrlarynyň manysy oňa mälim bolup ugraýar. Çünki olar - hakyky şygyrlar. Şahyryň özi düşünip ýazan bolsa, ondanam bir şygyr bor-maý?!

Alyp ugradym öýdýän. Ýöne beýle bolsa öň internetsiz döwürde goşgulary gazetlerde nädip çap etdilerkä? Okyjylar teswirlerde düşündirip bermese, awtorlar nädip öz eserlerine düşündilerkä?

"Hih, men gyssagly şony bilmeli"

Hiiih, men gyssagly ýaňy dogan bäbek pyşdyl görmeli

:))))))))))

Be, geň zat. Siziňem ýadyňyzda eken-ow...

Düşnükli. Düşnüksiz... Biz entek şu kategoriýalardanam çykamzokmy? Boluň onda diňe Kerim agany hemem Kerim dostumyzy okalyň oturalyň. Magtymgulydan agyr, düşnüksiz sözler bilen ýazylan goşgularynam aýralyň, diňe "Öýlengin", "Çilimkeş", "Naskeş", "Jeýhun bilen bahry Hazar arasy" bolsun galsyn. Okyjy kesgitlesin.
Dogry, ýazyjyny ÝAZYJY edýän - okyjysy. Ýöne nähili okyjy? Olaryň bir standarty barmy? Her kim şol standarta gabat gelmelimi?

Ýylyň teswiri bolaýsyn-da şu 7-nji, hormatly frontdaş ýoldaşlar!

Wä! Ýylyň teswiri bolýan boldymy biziň teswir? Ýylboýy şondan gowy teswir bolmady diýýän bolduňyzmy? Ýylyň ahyryna-da 20 gün galýan boldymy?

Waw! Poçti garanti-dä onda?

Näçe giç gelse-de, dostlar,
Ýeňýändir pyşdylly teswir! :D

bu häki bir Ýylyň teswiri, entek 31-nji dekabrda Ýylyň Parlak Teswiri saýlanylýar. bu ýaňy bir deslapky tapgyr.

Ok.

Sowuk duş kemi ýok.

Parlaklyk-falan bize görä däl.

Pyşdyljygymy ýygnap, ýüzümi sallap, çykyp gidýärin konkursdan.

Eseri yormak, doly düşündiriş bermek - esasy zadam dälmikä diyyän. Eger esere haysydyr bir pikiri, interpretasiyany yükläp bolyan bolsa, eserem şo manyny göterip bilyan bolsa, diymek, şolam dogrudyr. Bärde ýalňyşmak àhtimallygy juda pes.
Awtoryň saňa uzadan zady däl, seniň ondan alyp bilen zadyň has wajyp.
Şonuň ücin "awtor esere beyle many berenem dàldir" diymek dogry dàl. Awtor näme yazanyny bilmän biler.

Yönekeyje bir mysal getireyin.
Juma Hudaygulyň "Göwün" hekayasy (bäh, şumat barlap gördüm welin, ol hekaya saytda yok eken, hazir bu ayylganç yalñyşlygy düzedermen!).
Meniň garayşymda şol hekayadaky oglanjyk – awtoryň òzi. Beýleki aýdymçylardan sesi tapawutly, yakymsyz bolany üçin ony hordan çetleşdiryäler (bu sözlemde gerekli goşa dyrnaklary özüňiz goyuşdyryň). Onsoň awtor meni hernäçe 1982-nji yylda bu hekayany yazanynda esere beyle many bermänini aydyp ynandyrjak bolubersin, meniň indi öz "Gõwnüm" bar.
«Awtor, sen öz eseriňe düşünmänsiň» diýerin.

Bu goşgusynda bolsa Seyranyň araby, bosguny agzamagyndan,
"Diňe kalbymyzyň gussasyn çekdik
Sapasyna görä bolduk ynsabyň"
diymeginden, goşgynyň dünyädäki haysy wakalaryň döreden gussasynyň astynda yazylanyny duymak kyn däl.

@sussubeterpesimezistiñ şu postdaky 8, 13, 14-nji - eser, awtor hem okyjysy baradaky pikirlerini ýylyñ parlak teswirlerine gatnaşdyrmaga hödürleýärin! (diñe şu postda däl, aslynda eser, awtor, okyjy baradaky umumy temada jedellere iñ ýerlikli jogaplar bolmaga dalaşgär pikirler bolany üçin hödürleýärin)))

"Sag boluň, sag boluň!" diýip, sahnaň ortasyna çykyp, üç kerem tagzym kylýan ))

Soñam eliñizde "parlak ýyldyz" nyşany!

ok. biz sizi konkursçylaryň sanawyndan aýyrarys dänim, emin agza goýaýarys. bir-iki sany eminmämmedem gereg-ä. şeýle-de 113 gatnaşyjy bar. siz gatnaşmasaňyzam 7-nji teswir gatnaşýär, çünki ol siziň ýazanyňyzam bolsa, meniň hödürlänim. sizem bäsleşdirmek üçin islendik teswiri hödürläbilersiňiz. ol sussyöränpessimistiňkem bolubiler, myhmanyňkam. Hatda öz ýazan teswiriňiz hem bolup biler.

Bäsleşýän teswirleri häzirden ayratyn post döredip şoňa jemläbermeeli, atybermeli. Parlak teswiriň parlak nyşanjygy ony ýazana däl-de hödürläne gowşurylar. Şoň üçin ýygnan pyşdyljygyňyzy çykaryp, ýerinde goýuň-da ýüzüňizi sallap eminhana baka gidiberiň.

diýmek bir wagtda üç teswir hödürleýärsiňiz. teswirleriň üçüsi hem şol bir temany aýyklaýan bolsalar ,,ýylyň parlak triptih teswiri'' bäsleşinine gatnaşdyrmaly. her hili nominatsiýalar bar, gülüm.
haýsy-haýsy, nähili-nähili nominatsiýalar bardygynam yglan etmel-ä, teklipleri toplap başlamaly, iş kän...we soňundan olaryň nyşanlarynyň dizaýn işlerini etmek üçin mango daýyma maý bermeli. ine, şeýle, hormatly galhozçylar we galhozçy gelin-gyzlar!

,,Ýylyň iň güldüren teswiri",,,Ýylyň iň agladan teswiri", ,,Ýylyň iň tupoý teswiri", ,,Ýylyň iň sowatly teswiri", ,,Ýylyň iň provocation teswiri", ,,Ýylyň iň diplomation teswiri", ,,Ýylyň iň ynsanperwer teswiri" ,,Ýylyň iň uzyn teswiri", ,,Ýylyň iň lakoniçnyý teswiri" ..... teklipleri hödürläberiň, arkadaşlar!
113 sany nominatsiýa bolmaly, eger Ýaran aga goşulmajak bolsa. eger goşuljak bolsa 114

aý, näme şeýdip başlap gidibersek, gidibersek, uzagyndan Halkara Nurdan baýragy bolup gitse-de gidibererem

Bu diňe teswirler babatda ýylyň jemi. entek agzalar babatda, eserler babatda-da, awtorlar babatda-da jemlenilmeli ,,Ýylyň iň işjeň agzasy" , ,,Ýylyň iň passiw agzasy" ,,Ýylyň neýtral agzasy" Bu-la taýýar. ,,Ýylyň iň kö okalan posty" ,,Ýylyň iň köp okalan goşgusy" ,,Ýylyň iň köp okalan awtory" diýen ýalak
Ýeri bolýa, baýrak teswiri ýazana bermeli diýeni goldaýanlar Laýky basyň!

Bu bäsleşige hormatly tokaý hojalygynyň agzybir zähmetkeşlerini-de işjeň gatnaşmaga çagyrýarys.

Ynamyňyz üçin biçak, bimöçber, bihasap, biserhet... minnetdar welin, bu ýyl giç gelenim üçin emin agzasy bolup kän peýdam degmese gerek.

Emma indiki ýyl üçinem geçerli bolsa, ýörite bloknot tutup (tem boly şony käte-käte mugt berip durýarlar), "iň ýiti teswiri", "iň kütek teswiri", "iň gülkünç", "iň lakoniki"... teswirleri belläp başlaryn-da.

Ýogsam häzir şu jemagaty kän tanamok. "Iň gülkünç teswir pylanyňky" diýsem, "Onuň ady "Sussupes-ä", sussupesden gülkünç teswir çykardy?" diýip, oňaýsyz ýagdaýda goýmagyňyz mümkin :).

"Iň uzyn teswirde" "C - V" ulanmak bolýandyr-da. Şony ulanman ýazmaly bolsa, meger, özüm alardym.

Op-ba-a-a,profsoýuz tapyldy, ,,Ýaran agany profsoyuz goýalyň!" diýýänler laýk bassynlar!

Howa-da, täze ýyl ýakynlaşanda hemmäniň ýadyna profsoýuz düşer. Çagalaryň "Aýazbaba berdi" diýip ýören sowgatlaryny profsoýuz berýär-dä.

Bolýar, onda, Aýaz baba bilen Garpamygy belläň.

Seŷranyñ goşgusynyñ netijesimi bu zatlar? Goşgyñ öz ykbaly bolŷa diŷilŷäni cyn-ow...

Tapyldyyyyy. Aýgüli Garpamyk belläliň!

Bu bosgunlaryň duýgusyny nädäýipsiňiz how halaýyk?

Hawa, Goşga söz ýok, Seýran agaň şahyrlygyna-da söz ýok. Seýran türkmen edebiýatyna berlen unikal zehinleriň biri. (Göwnüňe degen bolsag-a bagyşla, Seýran!) Şahyryň duýgulary --- tutuş milletiň duýgulary. Şahyryň duýgularynyň üstünden gülmek niýetimiz-ä asl-a ýok. Biziň dünýämize ýat bolan --- bosgun duýgulary kabul etmek üçin ullakan Ýürek gerek, şol Ýürek şahyrymyzda --- Seýranda bar. Şahyrymyz ýumrugyny çeýnäp otursa, bizem ýumrugymyzy çeýnemeli bolýarys. Şahyrymyz boýnuny sallap otursa, bizem şeýtmeli bolýas, Şahyrymyz näme diýse, näme etse, elbetde biz şoň bilen. Ýolugra geçirilen bu (bäsleşigiň guramaçylyk işleri bilen bagly) kiçiräk iş maslahatyny siz degişme diýip kabul etmäň. Muny döwletli başlangyç dp hasaplaň. ,,Edebiýat kafesiniň” baýragyny almak ugrunda saytyň agzalary döredijilik gözleginde bolarlar (ine, bu döwletli iş) , şeýdibem edebiýatymyz, aň-düşünjämiz hasam öser. Belki-de ýyllaryň bir ýyly internetdäki kafeden çykyp, hakyky real durmuşdaky kafe jemlenip, nurdan baýrak (biziň millli nobel baýragymyz) gowşurylyş dabarasyny geçirip biler derejä ýa ýagdaýa ýetip bileris.
Onsoňam ,, Türkmen goşy dura-bara” diýleni, dura-bara profsoýuzly bolduk, Aýgüli Garpamyk ederis (Garpamyk kemiň ýok,gyz, gül ýaly Garpamyk. Jyňkyň çykmasyn!) Aýazbaba-da geler. Elbetde kyn bolar, emma şeýle-de bolsa biziň türkana (şahyrana, şadyýana) duýgularymyz bosgun duýgular bilen bile Täze ýyly garşylar.
Ine şeýle, biziň erbet niýetimiz-ä ýok, Ses aga! Näme jezaňyz bolsa gaýyryberersiňiz-dä!

Sag bol, Lacrymosa, oňyn niýetleriňiz, ýagşy arzuwlaryňyz, haýyrly tutumlaryňyz, köpçülige bähbitli başlangyçlaryňyz amala aşyp, hasyl bolsun!

Indi bizem profsoýuz saýlanan bolsak, köpçüligiň bähbidini gorap başlaly bakaly. Ozaly bilen ýaş kadrlaryň.

Häzir-ä olaryň hukugyny çäklendirýän ýok, ýöne tankyta kän bolmaýan ekenler ýaly.

Dogrusy, özüm-ä hiç haçan iliň eserini çeperçilik taýdan tankyt etmeýärin (emma şeýdýänlere minnetdarlyk bildirmek gerek). Ýöne eseriň ideýasyny taýak astyna alaýmam bar. Olam eserdäki esasy edebiýat bilen baglanyşykly meseleleri seljermäge çalyşýaryn. Din, syýasat, ahlak... meseleleri barada çekeleşmeýärin.

Emma eseriň binýadynda ýatan ideýanyň tankytlanyp, onuň puçdugy (möwriti geçen – leji çykan, gyzyksyz, ähmiýetsiz, howaýy-delilsiz, durmuşdan üzňe, gapma-garşylykly, aşa ýöntem...) subut edilen ýagdaýynda hem, bu ol eseriň ýaşamaga hukugynyň ýokdugyny aşlatmaýar. Sebäbi eser diňe ideýa mazmunyndan ybarat däl. Beýan edilişi, çeperçiligi, umuman estetiki tarapy uly rol oýnaýar. Ýagny eserde “näme” beýan edilipdir meseleden beter “nähili” beýan edilipdir meselesi has ähmiýetli.

Şonuň üçinem eseriň ideýasy tankytlanyp, puja çykarylany bilen, entek eser çeperçilik, estetiki gymmatyny saklap biler. Has beteri-de, mise altyn çaýan ýaly, täze, döwrebap, üýtgeşik formada ýazylan eser köne, gyzyksyz ýa-da ýöntemje ideýalary-da täsin, parlak, maýyl ediji öwüşgünde berip biler. Gözellik hemme zady ýeňýän gudrat diýýädimi?

Şonuň üçinem bir awtor, aýratynam ýaş galam “Meniň ýazan ýa-da terjime eden eserimi ideýa taýdan puja çykarypdyrlar” diýip, ony saýtdan aýyrmaga howlukmaly däldirler. Haýsy ýazylýan zatlaryň ideýasy dogry? Täzeçil, aktual, gyzykly ideýalara baý eserler bolsa, elbetde, oňa ýetesi zat ýok. Emma myssygrak-mürrügräk ideýalary hem janlandyryp bilýän duýgulyja, hyjuwlyja, ýürege ýakynja ýa-da dili şirelije, şirinje, ýakymlyja goşgularyň döredilmäge-de, ýaýradylmaga-da haky bardyr. Kimdir biriniňem “Bu goşgudaky ideýalar pylanynjy asyrda, baý, moda bolupd-ow” diýip, ýatlamaga haky bardyr. Bu goşgynyň puja çykaryldygy däldir.

Wä-ä,“Ýaran aga goşgymy puja çykarypdyr” diýip saýtdan aýrybermek... Diňe hemmetaraplaýyn kämil, dil ýetirip bolmajak goşgulary goýjak bolsaň, onda öňem kötelli döredijilik ýoly seniň üçin hasam uzyn-uzak bolaýmasa.

Men Garpamyk bolsam, cem gelene podarka berdiremeŷàn men ded Moroza. Şony bilàýiñ.

Aýgül Garpamyk bolya, Merdanam gelse, aýazbaba edeli, onsoñ sowgat bermekde Ded Moroz ýeñyami, ya Garpakyk göraýeris:)))

Düşünmedim, kim haysy eserini ayrypdyr, kim tankydy götermändir?

Özümiň-ä şunuň yalyda mydam gaytalayan sözüm bar:
Tankyda iň jaydar jogap - ony puja çykaryan eser.

Eseriň ideýasynyň puja çykarylmagy - entek eseriň özüniň puja çykaryldygy däl. Käbir ideýalar käbirleri üçin hiç haçanam puja çykmaýar. Şahyryň ruhy taýdan bu dünýäden däldigi, bu dünýä üçin ýat we ýalňyz, pygamberler ýaly başga bir dünýäleriň nurana bir perzendidigi, bu dünýäde ykbalynyň keçdigi baradaky mistiki ideýalar her döwürde-de şygyrýetde gaýta-gaýta beýan edilip dur. "Ýagyş ýagdyrmak üçin meni çagyrýarlar,baran ýerimde ýagyş ýagýar. Şahyrlar, sizden bereket ýagdyrmak talap edilýär" diýip, 80-nji ýyllarda birisi şol şygryny kän okady. Kimdigi ýadymda däl. Özümiňem "wagtal-wagtal gaýpdan habar alýanlygym" barada şygyrlarym bar, hökman goýaryn. Emma bu meniň üçin şahyrana däp-dessur. Ylham hakyndaky "dürdänelerim" hem.

Emma özüm şu zatlara ynanýarynmy? Ýok. Jinnek ýalam. Bular meniň üçin şahyrana reallyk, emma real durmuşda orny ýok himeralar. Kimdir biri ynanyp ýazýandyr, kimdir biri ynanman ýazýandyr, bu möhüm däl. Möhüm zat - kimiň çeper ýazýandygy. Edebiýat - filosofiýa ýa ylym däl, edebiýat - sungat, şöz sungaty.

Bet ýazsaň ideýa ähmiýetini ýitirer, müň ýyl öňki ideýa hem täze ýaly şula şaçar.

Ine, şonuň üçinem ideýa taýdan "derbi-dagyn" edilendigine seretmezden Jantemir janyň goşgusynyň saýtda galdyrylandygyny dogry hasaplaýaryn.

Yaran aga, tüweleme, dogrymy aytsam, mende şübhe döräp başlady. Siz hernä emeli aň-ha dälsiňiz-dà? ChatGPT sorag berseň, köplenç siz yaly jogap berip başlayar. Poçerkiňiz gaty meňzeş.
Ters düşünip, gõwnüňize degjek ya yaňsa aljak bolyandyryn öydäymäň. Hemme zady gaty dogry, öňden bäri durnukly, düzgüne öwrülen aksiomalary aydyaňyz, peydaly maslahatlar, maglumatlar bilen paylaşyaňyz. Sag boluň

Ýok-la, inim, men köne nesil - emeli aň bilen aram ýok.

Kitaplardan okanym. Täzeçillik zerur, ýöne binýat gerek.

Ylym-tehnikada iň soňkulary ele almaly. Ylmyň taryhyny öwrenmek hökman däl, şu günküsini öwrenäýmeli.

Edebiýat, sungat, filosofiýa - bulary öwrenmek olaryň taryhyny öwrenmek bilen bir zat. "Filosofiýany öwret" diý, filosofiýanyň taryhyny öwrederler.

Edebiýatda täze zat aýdýarmykam diýersiň - emma bilmän öňki zady gaýtalaýansyň. Bilmän däl, bilip gaýtalasaň gowy bolýar. Öňkä görä has özboluşly gaýtalamak üçin.

Häzir käbirleri "Sere gelen pikirler" diýen ýaly öz jümlelerini original pikirmikän diýip çap etdirýär. Çap edýänlerem bilmeýärler.

Hakykatda bolsa olar birmahallar üstünde ýüz ýyllap jedel edilen meseleler. Leji çykan. Munda gaýtalamadyk pikir aýtmak kyn. Olar bolsa täze, täsin pikirmikä diýip, iňňän ýöntem aksiomalary ýazýarlar.

Meselem, "Ýüregi diňlemelimi, beýniňi işletmelimi, duýga ynanmalymy ýa pikire?" Dünýä edebiýatynda leji çykan sorag.

Menem rubagyda ýazandyryn: "Ýaş gyz diýdi meni bilmezler aldap, men karara gelýän ýüregmi diňläp".

Gaýtalaýandygymy bilýärin, emma men ýürege "iň uly kezzap" diýip, has guduzlaýaryn. Duýgularyň aldawçydygyny belki million gezek ýazandyrlar, emma ýürege kezzap diýenleri bardyr ýa ýokdur. Belki-de duýga, syzga, intuisiýa ynanmak has dogrudyr? Belki şeýle dilemmany goýmagyň özi ýalňyşdyr.

Edebiýat bolara jogap bermeýär. Edebiýat - dünýä akyl ýetirmegiň bir görnüşi (şulam türkmençe şowsuz düşünje - "aňyrsyna ýetmegiň" diýen ýaly mana gidýär), ýöne özboluşly, çeper formada akyl ýetirmek, çeper formada dünýäni özleşdirmek, çeperçilik serişdeleriň üsti bilen dünýä aralaşmak, dünýäni açmak. Ol dünýäni ylym ýaly açyp bilmeýär, bilen zadyny formulalaryň, kesgitlemeleriň üsti bilen çürt-kesik edip goýmaýar.

Edebiýat dünýäni başgaça açýar. Ýaňky rubagydaky ýaly aforizm formasynda. Başga biri ýene-de aforizm formasynda akyl-paýhasyň dereksizdigini, durmuş hakykatyny diňe duýgy bilen "kavrap" bolýandygyny çeper beýan edip biler.

Şeýlelikde, iki ylmy maglumat biri-birine garşy gelse diňe bir dogry bolar. Edebiýatda bolsa iki aforizm garşy gelse ikisi hem dogry bolup biler.

Şeýlelikde, ylymda erkinlik ýok. Ylym sferasynda a nokatdan b nokada, b nokatdan c nokada... gitmeli. Öñden açılan, bellenen nokatlar boýunça marşrut.

Edebi-ceper sungatda bolsa işlendik nokatdan çar tarapa gidip, erkana gezibermeli. Öz nokatyňy döredibermeli.

Bu ylym ýaly ygtybarly we gerekli ýere getirýän ýol däl bolmagy mümkin.

Emma ondan has erkin we has gyzykly ýol.

Ylym durmuşa hyzmat edýän gural.

Edebiýat - durmuşyň özi.

Bu bolsa biri-birine garşy gelýän ideýalaryň, konsepsiýalaryň esasynda biri-birini inkär etmeýän ajaýyp eserleriň döremek mümkinçiligi hakynda.

"Теория - суха, мой друг,
А дерево жизни вечно зеленеет".

Iogan Gýote.