10:29 Çagalyk goşgylar | |
| AKJA KEPDERI Baglar gül açdy, bahar-ýaz geldi, Guşlar saýraşdy, ördek-gaz geldi. Garaşýan saňa, akja-kepderi, Gel sen salama, geç-de köp ýeri. Akja kepderi, Oýna erkana. Päk asmanymda Ýaýna erkana. Rahatlyk guşy, göwnümiň hoşy, Sen bezeg dünýä, aýdymlaň başy. Ýaý-da ganatyň, gel sen ülkäme, Ülkäm baý meniň, aýdym mukama. Hudaýguly ALLAMYRADOW * * * MEKDEBIM Eý, mekdebim jana-jan, Saňa bolan söýgim kän. Sen misli enem deýin Bakdyň maňa mähriban. Şatlykly wagtym-da sen, Şöhratly bagtymda sen. Adamzadyň geljegi Ylym daragtymda sen. Kitap berdiň goluma, Aýdym berdiň dilime. Ýene öňe gitmäne Ýagty saçdyň ýoluma. Barýaryn öňe, mekdep, Ýol açdyň maňa, mekdep. Bütin geljegim üçin Minnetdar saňa mekdep. Nury BAÝRAMOW * * * AK PAGTA Pagta çigdin ekdik Mekdep ýanynda. Güberipjik çykdy Bahar aýynda. Ak pagtam, Gülleriňi aç. Ak pagtam, Dünýä nuruň saç. Gün nurun howa dek Sorup özüne, Açylýar pagtalar Yzly-yzyna. Ak pagta tabşyryň Harmanlarymyza. Täze eşret berýär Watan ýazyna. Kerim GURBANNEPESOW * * * Ynha Sonajemalyň, Surat çekýän depderi. Depderine çekipdir Ullakan ak kepderi. Ganatlarny parladyp, Asmandan uçyp barýar. Gök otagly meýdanyň Üstünden geçip barýar. Gök otagly meýdanda, Işläp ýör kalhozçylar. Ak altyndan dag ýaly Harman ýasaýar olar. Kerim GURBANNEPESOW * * * Ir bilenjik ýanyma, Assa basyp gelen kim? Ejem! "Wagt boldy aý balam, Indi turaý" diýen kim? Ejem! Çagasyny eý görüp, Şirin jana deňän kim? Ejem! Dünýäde iň mähriban, Iň ajaýyp zenen kim? Ejem! Bagyndaky ter gülden, Çemen bogup beren kim? Ejem! Bahar ýaly mylaýym, Gujagyny geren kim? Ejem! Kerim GURBANNEPESOW. * * * Ynha meniň kitabym, Çigit ýaly kiri ýok. Her gün okap ýörsem-de Zaýalanan ýeri ýok. Kitabymy hemişe, Tämiz saklajak ýörjek. 2-njä geçen ýylym Jigim Jerene berjek. Aman KEKILOW * * * ÇARYJYK Alyp kitap eline, Okap berýär Çaryjyk. Gulajygny keýerdip, Diňläp otyr Nurujyk. Töwerekden diňleýärler Oglanjyklar gelişip. "Sag bol" diýýärler Çara, Gyzjagazlar gülüşip. Her wagt okap otyr Kitapjygyn taşlaman. Şatlanypjyk öz-özi, Gaýgy gamy ýatlaman. Aman KEKILOW * * * GAR ÝAGÝAR Gar ýagýar-a Gar ýagýar, Daş-töwerek Agarýar. Goja boldy Ýowşan bary. Sakgal edip Akja gary. Gökje borjak Ak don geýip, Bu görnüşe Edýär keýip. Oý düzlendi, Ýap gizlendi. Uzyn jarlar Tekizlendi. Aýdyň indi, Nätmek gerek? Ynamlyja Ätmek gerek! Giçgeldi AŞYROW * * * MENIŇ GAPJYK TAPYŞYM Suwa düşeýin diýip, Barýan wagtym ylgapjyk, Tapdym ýoluň ugrundan, Içi doly pul gapjyk. Futbol oýnarym ýaly, Pökgi alaýyn diýdim. Gawun dilerim ýaly, Çakgy alaýyn diýdim. Ýazda geýerim ýaly, Çepek alaýyn diýdim. Gyşda geýerim ýaly, Telpek alaýyn diýdim. Garda gezerim ýaly, Ädik alaýyn diýdim. "Ýöne iliň puluna Nädip alaýyn?" diýdim. Kim ýitirdi, sesleniň, Içi doly pul gapjyk?! Sag bol alsam bes maňa, Eltip berjek ylgapjyk. Hemra ŞIROW * * * KIM GÜNÄLI? Kowalady Arzygül, Böküp gitdi pişijek. Jamda duran gatygy, Döküp gitdi pişijek. Elin çarpdy Arzygül: "Ejem gelse görersiň. Munuň üçin, garagol, Indi burçda durarsyň". Gelip görse ejesi, Halyň üsti zaýady. Ony pişik dökse-de Arzygüle käýedi. Näme üçin beýtdikä, Bilýäňizmi, siz ony? Pişik ýa Arzygül Haýsy etdi günäni? Mämmet SEÝIDOW | |
|
| |
| Ähli teswirler: 2 | |
|
| |
