11:58 Enem | |
 ENEM (Mejnunyň dilinden) Gelenňe görä ýanyma, Göwnümi göteräý, enem. Tende amanat janyma, Bir umyt getiräý, enem. Gujakla, bagryňa basyp, Ogluňy görmersiň basym. Leýliň dünýä aglan ýasyn, Huşumdan ýitiräý, enem. Ynjama halyma beýle, Perişan ykbalym şeýle. Meň üçin her säher, öýlän, Dilegde oturaý, enem. Yşkyň jebir-u-güzabyn, Çeksemem, puşdur azabym. Köňlüme çöken azaryň, Sebäbin otaraý, enem. Atam Seýide dözmeden, Al gana ýuwdum gözlerin. Jigerme jiglän sözlerim, Huzurna ýetiräý, enem. Ýürek ýara, dilim gury, Ýitirdim dünýäde ugry. Sen – Käbäň mukaddes nury, Haýyşym bitiräý, enem. Ýazsamam, yşkym köremez, Sözlesem, sözüm ýöremez, Mejnunyň derde ýaramaz, Umydyň bitiräý, enem. © Gurbanmyrat SARYÝEW | |
|
| |
| Ähli teswirler: 0 | |