Ýamman sussuñ basyk-la jigim? Nirä barýañ hää?! Ugur kanjak)
Sussupes diyibä señ nikiñe diýmeliken:)

“Gelseň-de bor, gelmeseň-de” diýen setirli goşgusy bardy Annamuhammet Kirşeniňem.

özüňize ýaramaz energiýalary çekmäň...
göterilmejek ýük ýokdur.
Baýram däde mert bol...

[i]Bagyrdym: ,,kalbymy gyrmañ!",

Türkçeden nädip aljagyny bilmän, goşa dyrnaga salnan ýaly. Olam hiç welin, bu äheňde, mazmunda kän ýazylandyrlaý setirler. Awtoryň ýaşy kiçi bolmagy ahmal, şonuň üçin täzeçe pikirler, aýlawlar, formalar bilen başgaça görnüşde synanyşsa, çyndanam mundan beýläk poeziýa diýilýän ummanda özüne bir taýmyljyk edinjek bolsa, öz küregi, öz ýüregi gerek bolarmyka diýýän.

Taýmyljyk, küregi, ýüregi...
4-nji teswiriň özündenem poeziýaň uçgunlary ýylp-ýylp edip damjalary syçrap gidýä...

ýöne kursiwi gutarýan ýerinden ýapmansoň, Apple-ň täze harydy ýaly bolupdyr: iPhone, iPad, iBagyrma :)

Goşgy barada aýtsam, ço-to şahyrlary bärde duruzmak kynlaşýar. Sungat Gurbangeldi "Giderin men, men giderin, seniň bilen ýa-da sensiz" diýip şantaž edip dur:)
Bu goşguda:
Indi bärde durarym ýok,
Galsamam bir, galmasamam...
diýip dur.
Şu golaýda Suleýman Hojanepesiň goýan goşgusynda-da bar:
...Meň üçinem Gün aşakdan doganda
Ugraryn sessizje. Ýöne gidemsoň...

Bir ýere-hä täze reýsler açylypdyr diýipdiler welin...

biziñ öñdenem bar bolan, ullanýan türkmen sözlermiziñ köpüsi alynma sözler, türkleñ ullanýan köp sözem biziñ gadym türkmen sözlerimiz...

1). Ba‧gyr‧mak işlik
[ba:gyrmak]

Gygyryp ses çykarmak, gygyrmak (käbir haýwanlar hakynda):

Öýde öçügsi çyranyň ýagtysyna tahýa tikip oturan Amansoltan, daşarda düýäniň bagyranyny eşidip tisginip gitdi. («Sowet Türkmenistany» gazeti)

Göçme manyda Gygyryp zeýrenmek, käýinmek, aglamak.

Bagyryp aglarlyk hallary bardy. (Mollamurt, Saýlanan eserler)

Bu garryja pahyr, näme ederini bilmän, bagyryp başlapdyr. («Türkmen halk ertekiler ýygyndysy»)

Gygyrdy, bagyrdy, etdi galmagal. (A. Atajanow, Iki poema)

2). Kalbymy.
kalp
Ýürek, göwün.

Şol duşuşyk Aýsoltanyň kalbynyň näzik ýerinde bir duýgy oýandyrdy. (B. Kerbabaýew, Aýsoltan)

Arassa kalply, sada görnüşli bir garryja aýal ony wokzala çenli ugratdy. (A. Gowşudow, Mähri-Wepa).

3). Gyrmak işlik
Baryny, hemmesini öldürmek, ýok etmek, öldürişdirip çykmak.

Öz ýerinde duşmany gyrýar gyzyl esgerler. (Ata Salyh, Saýlanan eserler)

Şu gün bir ýere habar berseňiz, baryňyzy gyraryn. (A. Gowşudow, Saýlanan eserler)

Hüjüm çaglarynda düşseň ýadyma, Gyraryn duşmany, ýeňerin ony. (K. Işanow, Watan üçin)

Entek möjek kändir, biz ordanyň ýarsyny hem gyryp bilen däldiris. (A. Gowşudow, Köpetdagyň eteginde)

gyrmak 2 işlik
Gazamak, ýonmak, ýüzüni ýylmamak.

Gyrgyç bilen gawunyň etini gyrmak.

Kesmek, gyrkmak.

Dokmaçylar, ilki biri-biriniň ertirden bäri näçe gyrym gyranyny, näçe çitenini bilişdiler. (A. Gowşudow, Köpetdagyň eteginde)

Üzmek, ýolmak, ýok etmek.

Möýüň kerebin gyrdylar. («Mydam taýýar» gazeti)

Ýüzüni arassalamak, tämizlemek.

Goşguda ullanylan sözleñ ählisem türkmen dilinde ullanylýan sözler. Türkçä öýkenilen ýeri ýokmyka diýýan.
Baýram jigimiz gürlände-de sap türkmençe gürleýärdi.  Goşgusyna-da türkçäni gatmakdan daşyrak durýarmyka diýýan.

Baýram jigim, gowy düşünjäñ bar, gowy pikirleñ arzuwlañ bar, emma pessimizime ýykgyn etmeseñ has ajaýyp eserleri döredip biljegiñe ynanýan.

"Ruhuñyz tug kimin belentde bolsun"

Bu ömür sähel zada gynanyp, basylyp geçirerden juda gysga. Ähli kynçylygyñ bir çykalgasy bardyr hökman.

Dünýe diñe birine söýgidenem ybarat däl...

Belki poeziýa üçin şi pessimisligiñ içini ýakyp "söýgüden" başgarak tema saýlarsyñ hää))

Türkçe bilşim yabygorly welin, şo yerde türkleň aydymlarynda, soygi kinolarynda kän gulagyma ilyän "kalbi kırmak" diyen aytgysy göz öňüne tutulan borly. Yüregimi paralamak diyen manydadyr-da?
Ay, şol türkçe kakayanda-da, hossar dilimiz, hossar halkymyzdyr-da. Awtoryň aytjak bolyany bize-de düşnükli bolsa, zeleli yok.
Dil onsuzam dynuwsyz transformirlenip duran substansiya ahyryn, ony bir durkunda saklap bolanok (şu sözlemiň òzem şo prosesiň netijesi dälmidir eysem?:) Hazir hiç kesem 60-70-nji yyllaň türkmen dilinde geplänok (diňe kitaplaryny däl, şo dòwrüň kinolaryny açyp göràyiň).

@sussupessimist gardaş, ýokarky diýýänleriň jany ýogam däldir, dilem janly barlykdyr welin, ýöne herki zadyňam, dilimiziň-ä hasam öz ýörelgesi, çemeleşmesi, edebi normasy bar. Bärde nutuk okamak derdim ýok ýa-da galyplara gysylyp oturmalam diýjek bolamok. Görýäňmi, sen "kalby gyrmagy" ýürek paralamakdyr öýdýäň, aslynda welin beýle däl, öl "göwne degmek, nägile bolmak, närazy etmek, ynjamak, öýkelemek" manylarynda. Oňa bolsa biziň negözel "göwün döwülmek", "ýüregi döwülmek" sözlerimiz bar. Atam pahyr türkçe bilenokdy, ýöne bir gezek ýüregiň döwülmek diýdi welin, içimden "eý-waý atam türkçe bilýämaý" diýen boldum. Soň bildim türkmençe bardygyny. Gaýta, Hydyr Derýa ýa Berdi Kerbaba ýaly ýazyjylarymyzyň eserlerinde gabat gelýär şeýle sözler.
Onsoňam ýene bir zat, bi türkçe seriallar ýa kitaplar dilimize onsuzam mazalyja täsirini ýetirip dur. Erbet ýerem, dillerimiz golaý bolansoň, köplenç alyp gaçýa türk sözleri-de, azajyk özümize agram salanymyzdan, negözel sözlerimizi ulananymyzdan, aňymyza siňip, sözlük gorumyza ornap ugran türkçe sözleri dilugruna aýdyp goýberenimizi kem göremzok.

@Nurdan hanym, hawa, sözme-söz alanymyzda, "kalp" we "gyrmak" türkmen sözi, ýöne ikisini birikdirip,
-Bagyrdym: ,,kalbymy gyrmañ!",
Gyrdylar, goýdular arman, -
alsaň welin, başga many berýär, setirleň yzygiderliligini yzarlasaň hem. "Bagyrmak" sözi welin bar, aýdyşyňyz ýaly, birtopar manylary-da bar, dogry.
Pessimistligem erbet däldir-de, ýöne içiňde ýanyp, onam känbir daşyňa çykarman bilseň, ýa dänim @sussupessimist (ýene zordan ýazdymaý) kimin, içiňde gussalaryň-u gaýgylaryňy göwün gazanynda mazaly gaýnadagetdin, özboluşly tagamly eser bişirseň gowy zat. Ýöne her kimiň aýdyp biljek zadyny köpe çykarsaň, agzyňda tagam galmyýa... Emma ki, şeýde-şeýde çorba çykararlyk zadyň çykýanlygam çyn...

Rowaç agaň aydyanynyň jany yok däl. Teswirleň rowaç alsyn, agam) Menem edil dili öz erkine goyberibermeli diyen daldirin. Dil mydama hereketde, yone başardygyňdan, özüňde bar baylygy ulanmaly. Emma aydymçylaň aydyan aydymynda, düşürilyan kinolarda, telewizorda (diňe alyp baryjylar dal, futbol kommentatorlaryna deňiç) hazyna yaly dilimiz düzüwli ulanylmasa, yene yaňky edebiyaty okap, gor edinmeli bolya. Ony etmeseňem, başga kanallardan göryän-eşidyän zatlaň beyniňde ornaşyar.
Hatda özüňem yokarda nutuk okamak "derdim yok" diyipsiň. Şolam gulagymda "Bir derdim var" yaly yaňlanyp dur.

Teswir 12. @Rowaç, bilmedim-da dogan, ýöne asly türkmen söz bolany üçin
Bagyrdym: - bu sözi özi aýdýanlygy, başgalara ýüzlenýäni üçin
"kalbymy
gyrmañ" goşa dyrnaga alynan ýaly. Şonuñ üçin maña-ha kalbymy kerçemäñ, gyrmañ" diýip türkmençe eşidildi.

Dogry, poeziýda duýgy zerur, duýgy bolsa gussa gatanjam bolup biler, munam ýerinde ullanyp bilmek has dogrusy. Baýram jigimizden soñky wagtlar okayanymyz aglaba has pessimist goşgular. Onsoñam goşgylar bihal ýatmaýar, irde giçde Söz "sözüni gögerdip" bilýar, ykbala täsir edýan ýaly. Şonuñ üçinem elbetde içinde gaýnadyp-gaýnadyp pessimizmi biraz basyp has ajayyp eser döredibem bolar. Baýram jigimiz öz öte pessimistleşip oturanyna gowy düşünýändigi üçin durmuşa başgaça garamagy maslahat bersek haýyrlysyny aýtdygymyz bolar))

Birem aýdyşyñyz ýaly türkmençe näçe aýdylyp ýöränine garamazdan kalbymy gyrmañdan beterem "hanym" sözi has türkçe ýañlanýar:)
(dogrusyny aýdaýyn: maña "hanym" diýip ýüzlenseler känbir gowy ýañlananok, (halamok)))

Pikirleriñiz üçin minnetdar!

banu Nurdan diysene, Rowaç! :)

Men-ä haýran galandyryn Türkmenleriñ arasyna Türkleri nirden getirdiñiz Rowaç däde?.

Ýa Türkler kinolarda şeýle diýenmişin diýip men ulanmalydäldimmikäm?

Meniñ entek ýaşdygymy, köp çörek çeýnemelidigimä bilipsiñiz.
Siz sözleýiş diliñizde ulanmaýarsyñyzmy ol üç sözi?
,,Türkçeden nädip aljagyny bilmän..." Diýmäñiz näme?
Ol sòzler Türkçemi?

Baýram, goşgyña pikir ýazsalar gowy, sebäbi senden uly zatlara garaşýandyrlar. Okamaklarynyñ özem eýýam hormatdan nyşan jigim.

Galamyñ ýiti, ylhamyñ joşly bolsun. Dowam, üstünlikler!

Minnetdar gelneje!

Teswir 15. Ýylyñ teswiri )))

oglanlara "han ogul", gyzlarada "hanym gyz" diýsek näder?
ýa-da ýokarky uzyn görünse "hanlar" we "hanymlar" diýeli.
ýokla... "hanyma" ýaňy öwrenişdik. gow-a şo...

Ýoo, men ýaman diymedim, maña diyseler halamok diydim, belki başgalara gowy eşidilyandir, )

Waheý, ol üç sözi aýratynlykda ulanýas diýip ýazypdym welin, zyýany ýok. Belki, şiwede ýa-da käbir ýerlerde ulanylýandyr-da, habarym bolmansoň ýa dänim biziň sebitlerde kän ulanylmansoň, türklerde-de bar bolansoň, ýokardakylary ýazaýypdym @Baýram Bejidow. Sen badyňy gowşatman, gelşi ýaly güzürdediber.

Bäh, @Nurdan dogan, mundan tutduňyzow. Dogry, onyňyzam türkünçe. Ýöne dänim @Mango bilen söhbetdeşligiňizde gaýta-gaýta hanym diýip gaýtalanansoň, beýle ýadyrganmaz-la diýip ýazdygymyz boldy. Mesele däl, özbek doganlarymyz aýtmyşlaýyn keçiresiz!
Onsoňam pessimistlik kän bir erbet zadam däl, ýamany optimistlik. Şol gursun, sähel ahmal galsaň içikdirip goýberýär...

Umuman, zorluk bilen-ä adamy optimist edip bolmaz. Üstesine-de, Kamýu aýtmyşlaýyn: "Метафизический пессимизм отнюдь не означает того, что следует отчаиваться – он означает прямо противоположное"

Adam psihikasy özüne nebisagyryjylykly seretmäge ýykgyn edegen. Türkler aýtmyşlaý: "Kendine ajimaya hazir".
Ähli zatda bolşy ýaly muňam elbetde bir başlangyç nokady bardyr. Psiholog ekelemmiz aýtmyşlaýyn: "Şo nokady (özeni) tapyp biraz ýuwmarlap bolýamyş". Ýöne kä "hassa" aýtmyşlaýyn: "Men "nokotlarym" bilen bagtly" bolsalar bilmedik...

Durmuşyň manysam dürli duýgulary wagtly-wagtynda duýup bilmek. Diňe begenip ýörseňem manysyz bolardy. Gynanç bolmasa, begenjiň nämedignem bilmezdik. Adaty, bolaýmaly bir duýgy ýaly gezer ýörerdik...
Diňe gynanyp ýörmegem birsydyrgynlyga eltýär we adam muňa adaptasiýalaşýar (ähli duýguda hem)...
...diýip bir ýerlerde-hä okapdym.