14:04 Geňleme güýzüm! | |
 GEŇLEME GÜÝZÜM! Neçüýn gözleriň tegeleý? Bu düşen ýara tene-leý! Kalbymda tursa tüweleý, Geňleme güýzüm, geňleme! Jan berem topragyň üçin, Nama men depregiň üçin, Dökülen ýapragyň üçin, Iňleme güýzüm, iňleme! Ýürekde açylan sep kändir, Bir ýagşy dostdan nep kändir, Bimany gürrüň, gep kändir, Diňleme güýzüm, diňleme! Ýapraklar dursa-da asyla, Kä günler deň bolýar asyra, Başga aýlara, pasyla, Meňzeme güýzüm, meňzeme! © Ogultäç ORAZTAGANOWA | |
|
| |
| Ähli teswirler: 0 | |