00:08 Güýzlerde galdy | |
 Men bir guş! Ýöne ganatsyz, Ganatym güýzlerde galdy. Üzülere gelen boýnum, Garkyldym gazlarda galdy. Gör, men gyş! Kalbym güldendi, Ol güller ýazlarda galdy. Gamgyn heňim diňlenmedik, Aýdymdyr sazlarda galdy. Men bir yş! Yhlasym göge sowruljak közlerde galdy. Yşkym bardy, çekilmedik öýkeli näzlerde galdy. Gör, men düýş! Çyn gören düýnüm, Ol oýunbazlarda galdy. Umydym howada uçup ýören ho-ol tozlarda galdy. Men bir huş! Haýam özüme meňzeýän gyzlarda galdy. Doňan ýüregmiň azary, Eremez buzlarda galdy. Gör, men hoş! Azar-bizarym, Gömülen yzlarda galdy. Özüme bolan ynamym, Çökülmez dyzlarda galdy. © Ogultäç ORAZTAGANOWA | |
|
| |
| Ähli teswirler: 0 | |