20:41 Hötde gel | |
| Hötde gel Bil ezizim durmuş mydam bahar däl, Kynçylyk bar sen olara hötde gel. Dözüm edip gaharyma gahar däl, Güler ýüzli synagymdan öt-de gel. Bir ädim ät, men ädeýin ikini, Kürsäp giräý, kakyp durma gapyny, Daş etmegin eger-eger ýakyny, Alys bolsa sen barybir ýet-de gel. Söýgi ýoly syratdanam inçesi, Bir mähir däl, şatlyk bagtyň ençesi, Gülläýse-de gaharymyň gunçasy, Aý-ýyllyk däl, bije minut git-de gel. Keşbim siňsin umman kimin päk göze, Başyňy galdyrma her dürli söze, Mahmal saçly ak gar kimin aý ýüze, Gahar däl-de bagt ýaşmagyn çek-de gel Ahmet Arazow | |
|
| |
| Ähli teswirler: 0 | |