bilýän adam redaktirlemeli ýaly...
göçürip goýdum welin säwliklerem bar ýaly...

«Şahyrlykdan çörek iýmek kyn düşer,
yhlasyňy siňdir ýeňilräk käre

"kowyçka" ýapylmandyr ýaly, on-a düzetdim özümçe.
ýöne aşakdaky setirde "başa çekip ýatma"-my ýa "ýatman"-my... bir hili öz-ä...

Girdaba gaçsamam, endişä galyp,
başa çekip ýatma, köne çäkmeni.

Salam Mango daýy,
Men-ä her gün höwes bilen şu websaýta girip çykýan. Gowy eserlerem köp gabat gelýär “tüweleme”, ýöne örän ejizleri-de az däl. Wagtyňy haramlap okanyňa degmeýän …
Indi bir sorag: Şu websaýtyň redaktsiasy täze awtorlaryň yollaýan eserlerini ilki barlap görse gowy bolmazmydy!?

"Dünýämizde diýen köp-mika ýa din
yzyndaky "Hudaý bir"-den çen tutsaň-a din bolmaly ýaly?!.. bilmedim-da.

Ýöne goşgy diýseň GOWY. ŞAHYR kagyza hut ýüregini geçiren ýaly düşünikli, güýçli ýazan eken.
Owadanlajak bolup okyja düşüniksiz topbak edip taşlamandyr.

Jaýy jennetden bolsun!

men-ä üýtgetjek iki ýerini:

1. Dünýämizde (diýen) din köp, emma hudaý bir,
2. Girdaba gaçsamam, endişä galyp,
başa çekip (ýatma) ýatman, köne çäkmeni.

Salam Ybraýym däde.
ilki bilen begendim, biparh bolmanyňa, pikiriňi aýdanyňa.
soň ýene begendim, günde girip-çykýanyňyza, gowy zatlara gabat gelýäniňe.
size jogap bersem, bir zady anyklamak gerek, ýagny meni bu saýtyň adminidir öýtmegiňiz dogry däl. menem edil siz ýaly okujy-awtor.
edebiýaty halap, gowy zatlary bu ýerde paýlaşyp, ýazylanlara komment ýazyp... garaz biraz janlyrak bolmak niýeti bilen hiç hili tamakinçiliksiz bir iş etmäge gaýrat edýän. bu zatlar kän wagtyňy alýar. onda-da höwes bu zatlary etmäge gaýrat berýär.
---
pes materaillar barada.
dogry pes materiallar hem goýýarlar.
ony goýýanlaram awtorlaryň özi.
diýişiň ýaly saýt redaksiýasy ilki olary okap tassykap goýsalar hem bolar. ýöne bu işler üçin kän adam zahmet çekmeli. pikir edýän bu saýtyň aňyrsynda şeýle bir topar ýokmyka diýýän. diňe ýagşy niýet bilen ýola çykanlar...
---
Ybraýym däde, sizi hem aktiwlige çagyrýan.
teswir ýazsaňyz, öwrenjeler kän zatlar öwrenjek.
(ýadyňyza salyň mahym hanymy, :-) arada ondan garaşmadyk modern şygyr okapdyk.)
teswir ýazyň, öz zatlaryňyzy goýuň.
bizem isleýäris, döwürdeşlerimiziň sesini diňlemegi.
minnetdar.

Edebiýat hakda dünýägaraýyş giňär ýaly, her kim bilýänjesinden gysgajyk (häzirki zaman ýaşlarynyň klipleýin oýlanyş häsiýetine laýyk) maglumatjyklar ýazmalymyka diýýän.
Antik döwrüň edebiýatyndan, görnükli ýazyjy-şahyrlaryndan başlap, häzirki döwrüň edebi akymlarynyň manysy-mazmuny hakda, edebiýat formalary, žanrlary, olaryň biri-birinden tapawudy hakda, öz sözüň bilen, sadaja we düýbünden çylşyrymlaşdyrman. Şonda peýdasy köp bolaýmasa.
Ýogsa biziň döredijilik bilen meşgullanýan, şoňa ymtylýan we şoňa gyzygýan ýaşlarymyzyňkam öňde bir hekaýatdaka barýar.
Biri dostunyň ýanynda: "ýaman erbet dograma iýesim gelýä" diýýämiş.
Oňa geňirgenen dostam diýýämiş:
-Iýiber. Nä gadagan edýän bamy?
Onda dograma küýseýän zeýrenipmiş:
-Iýjek-le welin, dogramaň bar ýerinde men ýok, meniň bar ýerimde-de dograma ýok. Hudaýyň beren nesibeli bir güni eýdip-beýdip ikimiziň başymyz çatylan ýerde-de meniň dograma däl-de palaw iýesim gelip başlaýa...
Şonuňky ýaly, dogramanyň, ony iýesi gelýäniň hem-de şol iýesi gelýäniň dograma işdäsiniň üçüsiniň başyny birikdiräýmek ýaman çetin iş.
Elbetde, Eshiliň, Ewripidiň eserleri, Safonyň şygyrlary, Wergiliýniň, Owidiýniň, Sun Szyň, Li Baoň, Anahoretiň ýazanlaryny bilmegiňem, Çarlz Bukowskiýniň ýa-da Daniil Harmsdyr Wenedikt Ýerofeýewiň eserlerinden habarly bolmagyňam çeperçilik zehininiň taplanmagyna, kämilleşmegine täsiri 100% däl. Eger-de bilimden, bilmekden genial eserler döreýän bolsa, onda ensiklopedik bilimli eruditler dünýäde iň genial adamlar bolardylar. Ýöne her näme-de bolsa, öz küýseýän, hyjuwlanýan närsäň barada näçe köp bildigiňçe döredijilik goruň artýanam, baýaýanam hak.

Salam Ybraýym daýy, bu teswiri goýan wagtyñyz ýazjakdym, bir sebäp ara dűşdi-de soñam undupdyryn.

Indi "örän ejiz" , "kämil" hasaplanýan goşgulara gelsek: şu Edebiýat Kafesi saýtyny ýöretmekde baş maksadymyz edebiýat dünýäsinde nämedir bir zatlary ýazasy, aýdasy gelýän ýaş awtorlara ýazanlaryny şu ýerde paýlaşdyryp, ýazmakda ökdelemekleri, ýalñyşlyklarynyñ üstünde işläp, pikir alyşyp, halypalardan bellik alyp barha kãmilleşmekleri üçin elimizden gelen kömegimizi bermek, goldamak.

Täze nakyl: Ejizi bolmadygyñ kämili bolmaz :)

Täze atalar sözi: Kiçi-kiçi diregler ullakan binany saklap durýandyr. :))

Bir kinoda şeý diýýä: Pile gurçugy kebeleklige ýetdi.

Bizem, sizem, olaram bir wagtlar pile gurçugydyk. Eger kebelek çykan bolsak gowy zat,emma şindiki pile gurçuklary süýremek borjumyz dämi. Sebäbi bizem süýrediler ahyry

Elbetde her goýulan zady ýeke-ýeke redaktirlemäge wagtymyz azlyk edýär, ýaş awtorlaram hemmesini birden goýup dynanyny gowy görýän ýaly howlukýarlar. Bu bolsa olaryň öz kämilleşmeklerine böwet bolýan zatlaryň biri. Bolmasa günde bir post daşyndakylary ýadatmaz, özüne-de öwrenmäge mümkinçilik bolardy.

Onsaňam her posty admin redaktirläp ýaş awtoryň eserdäki kemçiligini bejerip berip ýerleşdirse, bu eýýam adminiñ ýaş ýazyjy şahyra zyýan ýetirdigi bolar, kemçiligi özüne aýtman düzedip berip çykaryp otursañ ýaş awtoryň özüne talaby peseler, her ýazýan zadyna jogapkärçili peseler, onsaň kämilleşmänjik geçer, bulam ýene adminiñ "günäsi" bolar.

Sebäbi ol öz kemçiligini beýýlekileň pikiri boýunça anyklap şonuň üstünde işlemeli ahyryn.

Ýöne Ybraýym aga, biz siziň pikiriňize sarpa goýup, biraz çäklendirme girizdik. ýaş galamgär günde bir mowzugyny paýlaşmaga rugsat edilen. Bu edenimizi õzüne ýamanlyk hasaplap, bizi aýyplap ýazanam tapyldy eýýam. :))

Barybir post açanlarynda talaba laýyk goýmaklaryny gazanmak üçinem wagt az sarp edilenok. elbetde her bir ýazýan adamyň pikirine hormat goýmaly, bu gün ýazan ýaş awtor yhlas etse gelejekde uly işler edibem biler.

Şonuň üçin her kimem olaryň goşgularyna hekaýalaryna pikirini aýtsa kem bolmazdy. Saýt ýöretmekde maksadymyz miwe bererdi..

Ybraýym aga, goýulýan temalarda aktiwlik görkezip, maslahatlaryñyzy ýetirip dursañyz awtorlae hoşal bolardy.

janyňyz sag bolsun, ähliňize üstünlikler arzuwlaýan!

Gymmatly wagtlaryny sarp edip postlara õzüniñ tarapsyz pikirlerini aýdyp bilýan, saýta goşant bolsun diyip hiç hili öz bähbitsiz hereket edip, erkin pikir ýöredip,
gowy eserleri paýlaşýan, ýagşylygy hemra edinenleri Allaýalkasyn!

Saýt SIZ bilen saýt. Sagboluñ, Bar boluñ!

"Men: "Sag bol" diýerin, "Sag bol, jan agam"
Emma arzuw eden günüm däldi bul"
Ah, şahyr aga, nätjek-dä ýagdaýyňa düşünjek gaty az. Doganyňam bolsa, derdiň ýükdür başgasyna

Hawa...