16:26 Küştdepdä | |
 Çözläp-çözläp köňül tarym, işip-işip aň ýüpün, Ylham bilen birleşemde, kalbyma sen gelersiň. Men sungatyň muşdagy men, synladym tansyň köpün, Sen olaň baryndan zyýat, baryna deň gelersiň. Heňiň seniň ne syrlydyr, geçmiş içre ýaňlanan, Meniň kalbym heserlidir, sen−kalbyma ýaň salan. Synlan çagy bir-de gülüp, bir-de joşup hamsygan, Bu göwnüme käte kybap, käteler geň gelersiň. Eger «Küşt depeliň!» diýip çykylsa gyr-deştlere, Meger, «Keşt edeliň» diýip çykyldygy geçmişe. Çünki heňiň ho-ol asyrlaň aňyrsyndan eşdilip, Aýdym-mukam-gazal içre gurat hem jem gelersiň. Seni gören maýyl bolup, ýüreklerde ýol alýaň. Toý-tomaşa jaýyň bolup, hökman seni soralýar. Bu gün bolsa halk bolup däl, dünýä bolup goralýaň, Indi aýdym-saz agzalsa, sen aňa öň gelersiň. Öz halkyna Arkadagyň görjegi ýalkawlydyr. Taryhyny sarpalanyň geljegi ýalkymlydyr. Älemde meşhur sungada ussatlar Balkandadyr, Gel, sungatym, her günüm toý, toý bolsa sen gelersiň! © Aýgül GARAÝEWA | |
|
| |
| Ähli teswirler: 3 | |
|
| |
