17:03 Maňa juda üýtgeşik! | |
| MAŇA JUDA ÜÝTGEŞIK Perwana pursatlaň, Ýyndam ýyllaryň, Aý-günleriň bir-birine ilteşip Ömür kerwenimiň idip barmasy- Maňa juda üýtgeşik! Agyp dönip duran däli göwnümiň Mahal-mahal ähli zatdan çetleşip, Ýersiz-ýere özün ýalňyz duýmasy. Maňa juda üýtgeşik! Ýyndam atlaň beýge bokjek bolanda Bat almaga biraz yza süýşmesi Kä yza tesmeleň manysy dälmi, Bu-da juda üýtgeşik. Açylmadyk syr deý nätanyş günler Durlar,honha,bosagamdan jyklaşyp. Olaryň gujagna alňasap barşym- Maňa juda üýtgeşik! Gökden düňderilip gaýdýan ýagyşlaň Bu baglaryň anbaryna ys goşup, Begenç gözýaşlaryma meňzäp ýagmasy- Maňa juda üýtgeşik! Ynha,abşarylyp ýören adamlar, Erte görseň,gumdur-ýeke üýşmejik. Garaz,tutuş barlyk bu uly dünýä Juda-juda üýtgeşik! *** Şeýlemikä munda owaldan gurluş, Keýigiň kölgesi ýaly-la durmuş. "Ynha tutdum"diýen şatlygyň, bagtyň Häki bir gyryndy,ülşüdir wagtyň. Begenersiň,okap dostuň hatlaryn, Emma wagtlaýyn. Ýar jemalyn görüp,gürsüldär gursak. Bakydyr öýdersiň, Pursatdyr,pursat. Ýeňip bilseň dünýäň ýeke päsgelin, Monça borsuň,emma bu-da az salym. Saýalaýyn diýseň-Gün geler birden, Güneşläýin diýseň-tüm geler birden. Geler käbir pursatlary saklasyň, Yrýa bolar ähli eden yhlasyň. Pursatlar serdäki humar ýaly-la, Gider bary duman kimin göterilip. Söýgiden, Imandan, Umytdan özge Şatlyk ýokdur bütin ömre ýeterlik. © Kakamyrat REJEBOW | |
|
| |
| Ähli teswirler: 3 | |
|
| |
