Name: Näme Sen?!
Item: Näme Sen?!
Author: Pegas

Baş sahypa » » Näme Sen?!

12:21 Näme Sen?!
NÄME SEN?! Asla seni görmemişem, dildarym! Gumrymy sen, bilbilmi sen, näme sen?! Gamgyn köňlüm hyýalyňda aldaram, Bag içinde gülgülmi sen, näme sen?! Garaçymyň, ýa seýitmiň, hojamyň, Ýa sakymyň, ýa şerapmyň, ýa jammyň, Ýa ýylmy sen, ýa gündizmiň, gijemiň, Ýa Aýmy sen, ýa Günmi sen, näme sen?! Ýa müşkmi sen, ýa kokunar anbarmyň, Aýda bilmen, ýa çarhmy sen, çenbermiň, Ýa derýamyň, ýa möwçmi sen, lenbermiň, Ýa girdapmyň, ýa burgunmyň, näme sen?! Altynmy sen, kümüşmi sen, zermi sen, Ýa arşmy sen, ýa kürsmi sen, ýermi sen, Ýa ýakutmyň, ýa merjenmiň, dürmi sen, Ýa çyragmyň, ýa röwşenmiň, näme sen?! Magtymguly, geç namysdan, aryňdan, El götergil bu wepasyz käriňden, Jahan doly, sen gapyl sen ýaryňdan, Meý-mestmi sen, ýa şeýdamyň, näme sen?! © Magtymguly PYRAGY
1 2 3 4 5 Görülen: 258 \| Mowzugy paýlaşan: Medicall \| Teg: Magtymguly PYRAGY \| Рейтинг: 4.4/5

Похожие материалы

Awtoryň başga makalalary

Ähli teswirler: 5
Порядок вывода комментариев: 1 1 Pegas • 12:45, 24.08.2023 Şuny aýdym edip Leýli Ökdirowanyň aýdyşyny gowy görýän. 1 2 Мango • 12:57, 24.08.2023 Magtymguly "näme sen?" diýip soraýan öz soragyna özi jogap berýär: "Jahan doly, sen gapyl sen ýaryňdan..." Ol her zat, ol jahana doly... Ony eseri bilen tanamaly... 0 3 Medicall • 16:53, 24.08.2023 Leýli Ökdirowanyñ aýdymyna gabat gelmedim, Päliwan Halmyradowyñ aýdyany bar: https://aydym.com/song/show/6260/palwan-halmyradow-name-sen 0 4 Medicall • 20:20, 24.08.2023 "Näme sen" -i şol goýan ssylkmadan Päliwandan soñ Ogulbibi Reýimowa aýdýan eken, fuuuu diñe "aýdyan eken diyäýmeli, biderek edipdir welin ne gözel goşgyñ manysyny gaçyrypdyr, Soñ iki aýdym soñ Ýagmyr Gurbannazarowyñ okamagynda-da bar şol adresde, gowy okaýar 0 5 aygull • 14:06, 18.05.2024 Züleýha-da çykardy öýdýän şu goşgyny aýdym edip täzelikde.

запомнить
Забыл пароль \| Регистрация

E-mail:
Пароль: