23:57 Noýabr | |
 NOÝABR Adam käte gözli kör bolýan ýaly, Ýitirmek -- maňa has kyn bolýan ýaly, Göwnüme aýralyk kän bolýan ýaly, Sende nobaýr! Menmi? Hana türkmeniň bir gyzy dur! Ýüregimde ýaryň çalan sazy dur, Ýaralarmyň kesim-kesim yzy dur, Tende noýabr! Ýakan odum alawlap dur içimde, Ýaşaryň siz, yşk meýinden içiň-de! Diýilmese bolýar iliň içinde, "Bende" noýabr! Eňresem -- Eýämden özge duýanok, Aý, ýyldyzlar meniň üçin doganok, Duýgularym akyp ýatyr, duranok Çende noýabr! Yşkym däl, ýat-oýum kütelip barýar, Derek ýaly boýum kiçelip barýar, Aýtmaly zatlarym köpelip barýar, Mende noýabr! © Ogultäç ORAZTAGANOWA | |
|
| |
| Ähli teswirler: 2 | |
|
| |
