23:35 Ökünerin men... | |
ÖKÜNERIN MEN...  Yşkymyň nyrhy ýok -- gymmat bahaly, Ondan gözbaş aldy ömrüň nahaly, Aýralyk bagrymy dilen mahaly, Baglaň ýapragy deý dökülerin men, Seni söýenime ökünerin men. Ne ykbal eçildiň, eý pelek, pelek? Gaýmasyn howada -- däl bolsa ýelek! Aýap saklanmasa berilen ýürek, Namysymdan iki bükülerin men, Seni söýenime ökünerin men. Ne bor, aşyk ýersiz ýere öwünse? Göterip başarjak azdyr öwülse, Çat açan aýna deý, göwnüm döwülse, Ahmyr bilen yza çekilerin men, Seni söýenime ökünerin men. Gözleriňde yşky tapmadyk günüm, Sözleriňde yşky tapmadyk günüm, Gökde ýyldyrym deý çakmadyk günüm, Onki süňňüm içre sökülerin men, Seni söýenime ökünerin men. Ýörmäýin men indi bagrymy dilip, Köşeşäýdi ýaly ýagyşam diňip, "Meni ejirlerden halas et!" diýip, Yşkyň hudaýyna çokunaryn men. Seni söýenime ökünerin men. 26.11.2023 © Ogultäç ORAZTAGANOWA | |
|
| |
| Ähli teswirler: 8 | |
0
0
0
0
| |
