22:06 Şirinjemal Ýegelekowadan goşgular | |
 EDA BILEN... Eda bilen ýöräp gelýäň diýýärsiň, Diýýäň, ýere degenok-la dabanyň. Gara ýer injikden aslyşýar, nätjek, Üstümde-de asman dur-a abanyp. Ýene penjireden synlapsyň meni, Diýýäň, her ädimiň oýlanyp basýaň. Nätjek, ýogsa, tebil tapjak gara ýer, hem depämden süýşüp gitjek gök asman. Tüweleý Aýagyny ýerden hiç üzüp bilenok, Tüweleý başyny asmana diräp. Ýeriň ähli tozan-totuny toplap, Tüweleý, jogap ber, barýarsyň niräk? Başyňy asmana tutsaň-da uzap, Barybir, ykbaldan gaçyp bilmersiň. Gujagyňy dolduryp hapa-hupadan, Sen hiç wagt, hiç wagt uçup bilmersiň. Umyt Uzak gije ýagyş ýagdy daşarda, Şabyrdap, şabyrdap sesi ýatmady. Bulutlaryň Ýere ýollan habary, Asman-Zemin arasynda gatnady. Gije ýuwaş-ýuwaş yzyna teser, Günem säher bilen dogar ýalbyrap. Ol hökman umydyň tohumyn seper, Uzak gije ýagyş ezen kalbyma. Geñ göremok Geň göremok biri göwnüme degse, Göwnüm göterse-de, duramok geňläp. Ýa özüm üýtgämok, ýa iller hil-hil, Eliňde bäş sany barmagyň deň däl. Biparh bolupdyryn ähli zada men, Ýagşynyň-ýamanyň deňläp ölçegin. Jak-jaklap gülenim ýada düşenok, hem duranym, gözlem ýaşdan öljerip. Ot ýakdym... Ot ýakdym közi galdy, Suw sepdim köli galdy. Köne keçe tüýdülip, Bir penje göli galdy. Kölüne eňek basyp, Gulak saldym tüýdüge. Depämde ala asman, Ýerde keçe tüýdülen... Göwün açarym Darak kakyp görmedim, Tamdyr ýakyp görmedim. Bedew atyň toýnagyna, Nalyn kakyp görmedim. Düşegim köz dek haly, Tamdyr nanly saçagym. Bedew atyň şemaly, Tapýar göwnüň açaryn. © Şirinjemal ÝEGELEKOWA | |
|
| |
| Ähli teswirler: 3 | |
|
| |
