kyýamaty ýatladýan goşgy.
dat-bidat sözleri barada giňişleýin okap bolaýsa.
haçan, nähili wagtda ulanylýarka?

bir wagt okan ýazgymy täzeden işläp görüpdim, bir wagtlar...
özüm üçin edipdim.
siz bilenem paýlaşaýaýyn.

2 SES

Bu jennetiň sesi:
-Eý, Rabbym!
Eçil maňa wada edenleriňi.
Men taýyn indi.
Taýyn: otaglarym,
ýüpek hüllelerim,
mahmal we merjen hünjülerim.
Taýyn: kümüş, altynlarym,
tagty-rowanlarym
düşeklerim,
gap-gaçlarym,
münere ulaglarym,
içgilerim, bal, süýt we suwlarym.
Ählisi taýyn.
Ýerine ýetir wadaňy,
mynasyplary iberde indi,
Rabbym, şatlandyr meni.

Bu jähennemiň sesi:
–Ýene ýokmy?
Doýamok!

Bukawlar, zynjyrlar,
alawlaýan ot, gyrmyzy köz.
Iriň we ganly köller
köpeldikçe köpeldi.
Zyňyldy kenara
kül bolan beden.
Et ördi süňke
Azap täzeden.
Ses gelýär
jähennimiň düýbünden:
-Käşkä, dünýä dolansak täzeden!
-Käşkä, aýdylanlara gulak assadyk!
-Ýalbarýan! Bir günlik derdimi ýeňlet!
Perýat yzyna perýat
Zebani meleginiň ýüzi elhenç.
Süýrenýär zekat bermedik
dört aýakda,
iýmiti iriň, zakgun.
Ine, köz ýuwudýar
ýetim malyny iýen.
Agyr ýüke çydaman iňleýär
amanada hyýanat eden.
Agzy gyşardy pitneçiň
dili hem perişan.
Töhmetçi
Zalym
Bularyň halam
ýürek gyýyjy.
Göbegi boýundan uzyn,
ne turýar,
ne oturýar,
puldan pul gazanan
süýthor.
Haramy saýgarmadyk
porsy läş iýýär
täzesi barka.
Batga batýar
dat edip iňleýär
zynagär...

Bu jähennemiň sesi:
–Ýene ýokmy?
Doýamok!

Kyýamatda perişdeler

Arşyň ýanynda durarlar

Ol syrat köprüsini

Arşyň ýanynda gurarlar

Syrat köpri gyldan inçe

Hem gylyçdan ýiti bolar

Kapyrlar hem ýalançylar

Dowzahyň üstüne geler

Ol dowzah örän garadyr

We hemişe gaýnar durar

Dowzahylaň tenleri aç

Gözi aglamakda bolar

Hiç bir ynsan ol dowzahyň

Başyny ahyryny bilmez

Dodaklary gury bolar

Onda rahatlyk bolmaz

Ýüzlerini aşak tutup

Aş ýerne awy iýerler

Kyýamatda dowzahylar

Ah nebsim-nebsim diýerler

Haktagaladan özüne

Dilär olar rahatlyk

Zalymlara kyýamatda

Ýokdur asla parahatlyk

Diýerler Eý bar Hudaýa

Bizleri dowzah odundan

We kösençlikden halas et

Ol gün kapyrlaň dadyndan

Ynsan çagasyn tanama

Her kim öz özüňi söýer

Şol wagtda Haktagala

Hemmelere şeýle diýer

Syrat köprüsine ýöräň

Ol syrat köprüsiniň

Uzynlygy üç müň ýyldyr

Müň ýyly münmek üçindir

Müň ýyly hem aralykdyr

Müň ýyly düşmek üçindir

Ondan geçmek örän kyndyr

Bu wakada Haktagala

Bizden para,peşgeş alyp

Bilginiň hiç bir iş etmez

Gezme ýalançyda gülüp

Ol gün her kim bu dünýäde

Näme amal eden bolsa

Şeýtanyň alyna uýup

Ýalňyş ýoldan giden bolsa

Beýik we päk Taňry ony

Her adamyň ýüzne basar

Ol Kerimden gorkýan adam

Hak sözüňe gulak asar

Eý adamlar ,musulmanlar

Günä etmekden saklagyn

Namaz okam-Gurhan okap

Bikär ýatmakdan saklagyn

Hudaýtagala ynanyp

Ybadata meşgul boluň

Hut hazir hem pursat bardyr

Geliň

Geliň

Toba gelin

Gerçeknazar Amannazarow