Name: Pyşdyl
Item: Pyşdyl
Author: Мango

Baş sahypa » » Pyşdyl

06:37 Pyşdyl
Düşjek bolup belent ýerden, Düňderildi Pyşdyl birden. Turup bilmän indi ine, Ýatyr Jyzzyk bolup Güne. Geçip barýar bir begemot, Pyşdyla haýry degenok: "Ýykylypmy, Özi galsyn! Ýol ýörände Ägä bolsun!" Penjek geýip bir üýtgeşik, Geçip barýar semiz pişik. Geçip barýar synçgap dişin: "Pyşdyl bilen Ňeň nä işim!" Tirkäp ekiz owlagyny, Şahlak geçi, Barýar geçip: "Ýatsa-ýatsyn, Serhoşdyr ol, Ýykylandyr aşa içip!" Barýar horaz, Barýar towuk, Ýüzlerini kese sowup — Esetmän pyşdyla taýa: "Kömek bersek bordy welin, Üst-başymyz bolar zaýa!" Geçip barýar Bir epeý şir: "Mertebäňi sakla, eý şir! Herýetene kömek etseň, Il saňa: "Ýukaýürek" diýr!" Geçip durlar Parhsyz bakyp. Ýatyr pyşdyl Aýak kakyp. Ýatyr Ýaş aýlap gözüne. Ýatyr Jyzzyk bolup Güne... © Hemra ŞIROW
1 2 3 4 5 Bölümler: Çagalar edebiyaty \| Görülen: 64 \| Mowzugy paýlaşan: Lacrymosa \| Teg: Hemra Şirow \| Рейтинг: 5.0/3

Похожие материалы

Awtoryň başga makalalary

Ähli teswirler: 3
Порядок вывода комментариев: 1 1 Мango • 01:17, 12.01.2024 Barýar horaz, Barýar towuk, Ýüzlerini kese sowup — Esetmän pyşdyla taýa: "Kömek bersek bordy welin, Üst-başymyz bolar zaýa!" "pyşdyla taýa" gelişmän dumy? ýetmeýän ýekeje boguny başgarak çözüp bolan bolaýsady. ~~Esetmän pyşdyla taýa~~ Hiç esetmän pyşdyl taýa diýeňde näderdikä? 0 2 Мango • 01:20, 12.01.2024 Geçip barýar Bir epeý şir: "Mertebäňi sakla, eý şir! Herýetene kömek etseň, Il saňa: "Ýukaýürek" diýr!" Hemra ŞIRiň özem o pyşdyl görgülä kömek etmännir... gynanyşşyl. çagalaň ýüreginde rehim oýaryp biljek goşgy... 0 3 sussupessimist • 09:37, 12.01.2024 Ine bu gowy, çagalar üçin bolsa-da, ula-da sapak! Kömek ediň pyşdyllara! (ýöne zorluk bilen däl. ilki "Pyşdyl, dost, kömek edeýinmi, ýa özüň Güne çoýunyp ýatyrmyň?" diýip soramaly)

запомнить
Забыл пароль \| Регистрация

E-mail:
Пароль: