Türkmenistanyň Milli Geňeşiniň Mejlisiniň karary bilen Ahal welaýatynyň täze, döwrebap edara ediş merkezinde gurlan lukmançylyk orta hünär okuw mekdebine tanymal şahsyýet, birnäçe döwlet sylaglarynyň eýesi, lukmançylyk ylymlarynyň doktory Saçly Dursunowanyň adyny dakmak we mundan beýläk ony «Saçly Dursunowa adyndaky Ahal welaýat lukmançylyk orta hünär okuw mekdebi» diýip atlandyrmak bellenildi.

Daşkent şäherinde gysga möhletli ýörite taýýarlykdan soňra Saçly Dursunowa lukmançylyk gullugynyň leýtenanty bolup, 162-nji atyjylyk diwiziýasynyň 33-nji lukmançylyk-sanitariýa batolýonyna ugradylýar. Stalingradyň etegindäki söweşde ýaralananlara lukmançylyk kömegini berip , meýdan şertlerinde geçirilýän gaýragoýulmasyz operasiýalarda hirurglara kömek edipdir.Soňra sowet goşunynyň harby birleşigi
bilen Don boýundaky Rostowy, Donbassy halas etmäge gatnaşypdyr. Soňra ol 2-nji Belorus frontunyň düzüminde „Bagration“ operasiýasyna, Kenigsbergiň we Latwiýanyň halas edilişine gatnaşyp, ençeme esgerleri ölümden halas edýär. Ýeňiş gününde Saçly Dursunowa lukmançylyk gullugynyň kapitany diýen harby ada, „Gyzyl ýyldyz“ ordenine, „Söweşde gazanany üçin“ , „Stalingradyň goragy üçin“ , „1941-1945 ý.ý.Beýik Watançylyk urşunda Germaniýadan üstün çykanlygy üçin“medallaryna eýe bolupdyr.
Ol özüniň geçiren 67 sany ylmy işi çap edilen, medisina parazitologiýasy babatynda teoretiki-amaly soraglaryň birnäçesiniň çözgüdini tapan we ylmy baýlaşdyran alym. Saglygy goraýyş ulgamynda işjeň we öndürijilikli işleri üçin „Saglygy goraýyşda tapawutlanan“ , „Türkmenistanyň at gazanan lukmany“ diýen ýokary atlara mynasyp boldy.

Hawa,düýn Watan habarlar gepleşiginde diñlänimde,Saçly Dursunowa barada gyzyklandym we bu saýtdan tapdym. Sagboluñ ýetireniñize! Bu zenana buýsandyk. Adynam eşidip görmändim,ol bolsa gör nähili beýik ykbally zenan eken. Gör şeýle näçe sany şahsyýetler bardyr bilinmeýän,tanalmaýan ägirt ykbally