20:48 Şahyr | |
 ŞAHYR Olam edil iller ýaly doguldy, Emdi iller ýaly ene süýdüni. Illeriňkä meňzeş ýorgan ýapyndy, Üstüni örtmedi bulut tüýdümi. Saýa boldy garyp ataň üçegi, Ýygnap kisesinde bölek-büçegi, Sowdy töweregiň çülpesi bilen. Şireli suw aldy, doňdurma aldy. Deňje suwa basdy gyzgyn çöregi. Görmese-de özün il-günden aýry, Illeriňki ýaly däldi ýüregi... Onuň sebäbini özem bilmedi. Artyklykmy ýa kemlikmi, nämedi?! Ýöremedi, ganat ýaýyp uçdy ol. Aý, Gün, deňiz-derýa bilen gürleşdi. Gürleşdi dag bilen, dereler bilen, Million ýyllap duran asman bilen Ýer Gelip onuň gursagynda ýerleşdi. Saýrak dili lal-jim boldy öwseler, Sögseler hinine girdi garynjaň. Şonda-da hiç bes etmedi söýmesin, Il-güne bagş etdi ertir-öýlesin. Bagş etdi ömrüni, şirin janyny, Galamy ýol boldy geljege sary. Şygyr ýazdy ata Watany hakda, Şan-şöhraty, batly gadamy hakda. Bagtly bolsa bütin ykballar gülýä, Betbagt bolanyny görmesin dünýä! Söýdi dünýäň hany-manyndan geçip, Dili saýraberdi toty heňinde. Yşka ybadaty parz hasap etdi. Şükür bagşy eli dutarly çyksa, Ol ýürekli durdy howpuň öňünde. Ne Mejnun, ne Garyp ne-de Tahyr ol, Şahyr ol! Ahyr bildi ile meňzeş däldigni, Bar arzuwy ile meňzemek boldy. Il-günüň abraýyn baýdak edinip, Il-gün üçin öňe müňzemek boldy. Ýüzi boldy il-günüň, Gözi boldy il-günüň. Dili boldy il-günüň, Guly boldy il-günüň. © Gurbanjemal ANNAKOWA | |
|
| |
| Ähli teswirler: 2 | |
|
| |
