Name: Saña hat / Kimligi möhümmi ýa nähilidigi
Item: Saña hat / Kimligi möhümmi ýa nähilidigi
Author: Мango

Baş sahypa » » Saña hat / Kimligi möhümmi ýa nähilidigi

08:56 Saña hat / Kimligi möhümmi ýa nähilidigi
SAŇA HAT KIMLIGI MÖHÜMMI ÝA NÄHILIDIGI?! Salam dost! Bu hat saňa! Haty okap başlan bolsaň,dur,tagapyl et! Adatdakylar ýaly goýuja gök çaýyňy demlen,çünki men saňa çynlakaý pikirlenere sowal ýollaýan. Dost jan, aýdaly men bir işiň başyny başladym. Bu işe meýletin goşant goşmak islegli biri bar diýeli. Emma men onuň kimligini bilemok,gaýbana tanaýan. Hemmelerem gaýbana tanaýar diýeli. Indi biz onuň ýagşy işlerine,goşantlaryna begenmekden,guwanmakdan,alkyş aýtmakdan geçen,bar işimizi taşlap,şol adamyň kimligini dörjelemelimikäk? Aýtsana,dost , eýsem-de biz indi şeýle derejä ýetdikmi? Köpümiz zerre ýaly ýagşylyk etsek,adymyzyň tutulmagyny kem göremzok,munuň gelşikli däldigine aňryýany bilen düşünsegem. Ýagşylygy näçe gizlin etseň,şonça-da sogabynyň köp bolýanlygyna düşünsegem, ýene-de kimligimiziň tanalmagyny isleýäs. Gadrymyzyň bilinmegini,arzylanmagymyzy näler isleýäs. Bu adaty adama mahsus häsiýet,emma...dostjan emma näme üçin ýagşylyk edip hem adynyň tutulmagyny islemeýän adama “Brawo” diýmekden,minnetdar bolmakdan geçen, biz oňa “Bagyşlaň,weli siz kimligiňizi aýtmasaňyz, biziň bilesigelijilik duýgymyz minnetdarlyk bildirijilik hem-de ýagşylyga ýol açyjylyk duýgymyzdan üstem gelýär we ýagşylyklaryňyzy-da gözümiz görmez hala gelýäris” diýýäsmi indi?! Uzyn gepiň keltesi dostjan kişiniň kimligi möhümmi ýa bolmasa nähilidigi? © Meňli Aşyrowa
1 2 3 4 5 Bölümler: Oýlanmalar \| Görülen: 113 \| Mowzugy paýlaşan: Pero \| Teg: Meñli Aşyrowa \| Рейтинг: 5.0/1

Похожие материалы

Awtoryň başga makalalary

Ähli teswirler: 4
Порядок вывода комментариев: 0 1 Мango • 11:25, 05.06.2023 Aleýkum salam dost! hatyňy okadym. ilki bilen "saňa hat"-lar taslamasynyň gowy garşylananyna, kabul edilenine begendim. dowam etjegine-de umyt edýärin. depder kagyzyna ruçka bilen, el bilen hat ýazylýan döwürleri ýadyma düşdi. gullukdasyň. uzakdasyň. küýseýänsiň... poçtolýona her gezek berýäniň şol bir soragdyr: "maňa hat barmy?". bolsa begenersiň, köp bolsa uçarsyň :-) ýok bolsa.... ýok bolsa, çete geçip öňki gelen hatlary gaýtalap okarsyň. hat almak gyzykly. bu hata-da garaşamokdym. garaşmaýanyňdan gelen hat hasam gyzykly. näbellik diýlende Moskwa, Gyzyl meýdan, Näbelli esgeriň mazary ýadyma düşdi... ol esgeriň näbelliligi syýasy maksatda ulanylýan bolsa-da, söweşlerdäki kimligi anyklanman gömülen näbelli gahrymanlaryň hatyrasyny tutmak üçin ýagşy niýetli edilen hereket diýip bolar. ol näbelli esgeri türkmenler türkmen hasap etsin, tatarlar tatar hasap etsin, ermeni, gürji, moldowan, ukrain, täjik, gazak... her kim ony özünden hasap etsin. tapawudy ýok, ol esger köpmilletli ýurdy üçin etmelisini etdi. hawa, dostum. aýdyşyň ýaly: ol esgeriň "kimliginden beter nähilidigi möhüm?" .... başga-da aýdara zat kän, ýöne haty şu ýerde keseýin. minnetdar. 0 2 Medicall • 21:04, 05.06.2023 Haty Meñli ýazansoñ ilki özümedir öýdüp okap başladym, gök çaýly ýerine gelenimde maña däldigini bildim,( sebäbi men hiç wagt gök çaý içemok sebäbi AGB pes. içýän kofemiñ adynam, süýtli çaý içýänimem aýdanymam ýadyma düşdi:) ) onsoñ birine ýazylan haty okamak gelşiksiz hasaplansa-da okadym:) "saña hat" - lar taslamañyzam birugsat "ogurlap" ilki başlanym üçin utandym, we ötünç soraýan(: Dostuñ gan basyşy ýokary çykagan bolmaly-da, bu gezegem "adatdakysy ýaly ajyja gök çaý" içmegi maslahat berýän bolsañ:) Gowy hatlar alyşypsyñyz, ýazyşyp duruñ şeýdip, bizem näme,"söz eýesini tapar" diýişleri ýaly özümize degişli ýerini tirer oturarys okap:) Gyzyldan gymmatly wagtlaryny biz üçin giderip özlerine hiç bir bähbitsiz, gowy iş edýänlere-de, BRAWO diýýãn! Sagbolsunlar, Alla ýalkasyn! 0 3 Pero • 08:54, 06.06.2023 Gök çaỳy türkmen halkyna mahsus aýratynlyk - simbol hökmünde aldym 0 4 Medenyet09 • 10:19, 21.06.2023 Köpçilige çykarardan owunjak gelýä bu hatyň Meňli gyzym

запомнить
Забыл пароль \| Регистрация

E-mail:
Пароль: