00:51 "Sebäbi ol meniñ..." | |
 "SEBÂBI OL MENIŇ..." Sözde keramat bar. Ynsanyñ haýwandan tapawudy-da şonda. Özem käbir söz aýdylyşy taýdan ýönekeý eşidilse-de, özünde uly manyny jemläp gelýär welin, eşideniñden ýa-da okanyñdan beýläk her haçan, her pursatda şol jümle ýüregiñi syzladyp özüni ýatladyp başarýar. Irräkler teatr sahnasynda spektakl gidip dur, ýalñyşmasam "Abyl we Kabyl" bolmaly, spektaklam, artistlerem ýadymda galmandyr, sebäbi mekdep okuwçysydym ol mahallar, emma şol sahnadan birje sõzlem hiç ýadymdan gitmeýär. Ol sözlem maña şeyle bir täsir edipdi, biri sähel ynjadygy şol ses gaýtalanan ýaly bolardy. Soñra-ha kärim adamlaryñ saglygy bilen bagly bolansoñ-a hasam ol jümle meni hiç kimi ynjytmazlyga, adamlar, hat-da ähli ýaradylanlar bilen seresap bolmaga çagyryş ýaly ýañlanýar bir ýerlerde. Ol sahna şeýleräk galypdyr ýadymda: Adam Ata, How Ene "betçilik edip" jennetden Zemine ugradylýar, soñ bir-birini tapýarlar, ikisem ak eşikde, (artistler ýadymda däl, ) özleri jennetde iýmeli dälkäler iýip jezalandyrylyp ugradyldylar-da Ýere, düşübem ajygyp başladylar, bir zatlar iýesleri gelip hars urýar-da How Enemiz. Ahyr Adam Atamyz oña dözmän gidip bir akja owlajygy awlap gelip, ot ýakyp ony kebap edip bişirýärler, (şol ýerde owlagy nädip awlaýany ýadymda däl, ýogsa ony awlaýşyny görkezýärdiler ýaly spektaklda) onsoñ Adam Atamyzam, How Enemizem heziller edip çapbyldadyp iýip: "baý-ý munuñ süýjidiginiiiiiii" diýýärler ikisem, edil şol ýerde diýseñ näzik, kinaýaly, kemşerip aýdylan ýaly ses bilen bir jümle ýañlanýar: "sebäbi ol meniñ şirin janym-da". Onsoñ Adam bilen How Ene oña ünsem berenoklar, süýjedip baý iýýärler-ä owlajygy. Ine, şondan bärem şol bir agyz ýañlanan sõz janly jemende bilen örän seresap çemeleşmelidigini ýatladýan ýañ bolup siñipdir hakydama. © NURDAN | |
|
| |
| Ähli teswirler: 3 | |
|
| |
