08:04 Sen geldiñ | |
 SEN GELDIÑ Sen geldiň arzuwlar wysaly bolup, Bagt meniň kölegäme aýlandy. Säher ýeli söýgi mukamyn çalyp Leýlisaçlar yşk heňinde hiňlendi. Söýgiň gudratyna şonda düşündim, Bagt maňa gursagynda ýer berdi. Gijelerne arzuw bilen hüwdiläp, Säher ýene arzuw bilen oýardy. Gözöňümde täze dünýa açyldy, Men özümiň özlügimi aňladym. Bagtyň çalýan söýgi mukamlaryna Bagtlylykdan dura bilmän agladym. Mähir çeşmesine gark bolup galdy Bir mahalky ýekesirän duýgular. Gözelligiň sallançagynda üwräp, Meni özüne bendi eden söýgi bu. Sen geldiň,bu çöller gülzara döndi Jeýhun bolup däliredi duýgular. Hyýallara güller bitip başlady Meni eljireden näzik söýgüden. Maňa girip, menligimi özgertdiň! Söýgi berdiň,mähir berdiň, erk berdiň Meň dünýämde guran yşk şalygyňda Azat söýgiň ganatlaryny gerdim. Asmandan inende yşgyň şöhlesi Gözlerňe seredip, bir zady bildim. Arzuwlaryň alys duralgasynda Diňe saňa garaşypdym... Sen geldiň. Arhiwden | |
|
| |
| Ähli teswirler: 0 | |