18:43 Ýazyjy Juma Hudaýguly aradan çykdy | |
 2024-nji ýylyň 2-nji aprelinde belli türkmen ýazyjysy hem suratkeşi Juma Hudaýguly aradan çykdy. Ýazyjy 1946-njy ýylyñ 14-nji dekabrynda Ahal welaýatynyñ Sarahs etrabynyñ Ýalawaç obasynda dünýä indi. 1963-nji ýylda mekdebi gutaryp, Aşgabatdaky Şota Rustaweli adyndaky çeperçilik uçilişesine okuwa girdi. 1968-1973-nji ýyllarda Ukrainanyñ Lwow şäherindäki poligrafiki institutyñ kitap grafikasy bölüminde bilim aldy, soňra Türkmenistanyň Çeperçilik gaznasynda işledi. 1980-nji ýylda ol SSSR-iñ Suratkeşler birleşigine kabul edildi. Suratkeşiň eserleri respublikan hem Bütinsoýuz sergilerine, Daniýa, Gresiýa, Mongoliýa, Russiýa, Siriýa ýaly birnäçe ýurtlarda gurnalan halkara sergilere gatnaşdy. Edebiýata Juma Hudaýguly 35 ýaşynda gadam basdy. Ilkinji hekaýalary 1981-nji ýylyñ iýulynda «Edebiýat we Sungat» gazetinde çap edildi. 1987-nji ýylda ol SSSR-iñ Ýazyjylar birleşigine kabul edildi. 1990-njy ýyllaryñ başlarynda SSSR-iñ Halk artisti Baba Annanow bilen birlikde «Zöhre-Tahyr» kinofilminiñ ssenariýsini ýazdy. Şol döwürde ol dört aý «Edebiýat we Sungat» gazetiniñ baş redaktorynyñ orunbasary bolup işleýär. Dürli ýyllarda Juma Hudaýgulynyň hekaýalarynyň terjimeleri ABŞ-da, Russiýada, Türkiýede, Täjgistanda, Belarusda, Yrakda çap edilýär. Ýazyjy onlarça hekaýalardan ötri, Gökdepe tragediýasyna bagyşlanan «Ýere gaçan ýyldyzlar» atly üç tomluk epiki romanyň, «Döwür kyssasy» çeper publisistik romanynyň, «Gyrmyzy bägüller», «Söýgüde serhet ýok», «Aşyk Merdan kyssasy», «Ömrüzaýa» romanlarynyň, ençeme powestiň, pýesalaryň awtory hökmünde tanalýar. Kitaplary: 1). Ojaklar öçmesin (hekaýalar), Magaryf, Aşgabat, 1986; 2). Harasat (powestler we hekaýalar), Magaryf, Aşgabat, 1990; 3). Aý gaýdyp geler (powest we hekaýalar), Magaryf, Aşgabat, 1994; 4). Şahy-Jahan (powest we hekaýalar) Türkmenistan, Aşgabat, 1995; 5). Saragtyň ykbaly (Saragt problemalary: çözgüt nirede?) (publisistik makalalar); 6). Утро фирмы (повести и рассказы)(ýaş ýazyjylaryñ antologiýasy), "Советский писатель", Москва, 1989; 7). Gyrmyzy bägüller (roman), Aşgabat, 2016; 8). Söýgüde serhet ýok (roman), Aşgabat, 2012; 9). Apy ýylan (hekaýalar), Aşgabat, 2010; 10). Bir töwra adamlar (kökenli hekaýalar), Aşgabat, 2010; 11). TÜR[k]MEN (taryhy makalalar), Aşgabat, 2015; 12). Ýere gaçan ýyldyzlar (roman-trilogiýa: «Añzakly tomus», «Jöwzaly gyş»; «Ýeñilmedikler»), Aşgabat, 2012; 13). Salyr soñy Sarahs... (taryhy etnografik roman), Aşgabat, 2014; 14). Ömrüzaýa (roman), Aşgabat, 2017; 15). Aýuw (powestler), Aşgabat, 2008; 16). Garawulhanadaky gürrüñçilikler (kökenli hekaýatlar), Aşgabat, 2016; 17). Döwür kyssasy (çeper-publisistik roman), Aşgabat, 2014. | |
|
| |
| Ähli teswirler: 12 | |
2
0
| |
