Name: Zeýrenç
Item: Zeýrenç
Author: ShirhanTuvak

Baş sahypa » » Zeýrenç

21:05 Zeýrenç
ZEÝRENÇ. Aýdaýyn derdim diñleseñ, Köp güzaby çeken gerden, Henizem özlügin tapman, Añtaryp ýör gara ýerden. Hem biwepa, hem wepaly, Ynsanlygy oñlap bilmän, Dem alýan ýalanlar içre, Niçikdigni añlap bilmän. Ýüzüme gülüp bakýalar, Ýeñsäme bakmajak bolýan, Meniñ ýañraýan zatlamdan, Derdimi çaklajak bolmañ. Haçan duşar, haçan geler?, Bu ömrümiñ şagalañy, Men juda ýadadym dostjan, Umyt bilen çabalanyp. Gyssanýan, gysylýan käte, Amalsyz ruh, amanadym, Kyn günde gol uzadanyñ, Kimlerdigni tanamadym. Depäme duz sepýär ykbal, Şoraýar dilim, gursagym, Men indi däldiräp barýan, Gel dost dulugma ursana!. Men zeminiñ aşygydym, Aşygydym tebigatyñ, Emma gussalañ boýunda, Düşlän eken hyýal atym. Gyzgyn mähire mätäçdim, Gözläpdim, yzlapdym, arman, Men henizem ýol ugrunda, Özüm bilen özüm barýan ... ©Baýram BEJIDOW
1 2 3 4 5 Bölümler: Goşgular \| Görülen: 89 \| Mowzugy paýlaşan: @Baýram_Bejidow \| Teg: Baýram Bejidow \| Рейтинг: 5.0/2

Похожие материалы

Awtoryň başga makalalary

Ähli teswirler: 8
Порядок вывода комментариев: 0 1 ShirhanTuvak • 22:20, 21.11.2023 Erbet däl,hatda gaty gowy 0 2 Şygryýetiň_aşygy • 23:42, 21.11.2023 "Aňtarmak" sözi edebiýatda seýrek gabat gelýär. Köplenç "agtarmak", "aňtamak" diýip duşýar. "Hem biwepa, hem wepaly" nädip bolýarka? Biwepa bolsa wepaly bolmajak ýaly... "Men indi däldiräp barýan" diýen setirdäki "däldiräp" diýýäni "däliräp" diýmekmikä? Eger şeýle bolsa "d" harpy artykmaç. "Gyzgyn mähire mätäçdim" - "mähire" diýen sözde -i çekimli düşýär: - mähre. Eserde birine ýüzlenilende, meselem: - Men juda ýadadym dostjan; - Gel dost dulugma ursana... "dost jan"-dan öň "," otur belgisi goýulmaly: - Men juda ýadadym, dost jan. "Dost jan" sözleri-de aýry ýazylmaly. 0 3 @Baýram_Bejidow • 23:53, 21.11.2023 DUŞ GELÝÄN FORMALARY mähirde mähirden mähirdir mähire mähiri mähiridir mähirlem mähirleri mähirlerini mähirli mähirlidi mähirliginden mähirlik mähirliligi mähirlilik mähirlimi mähirlimiň mähirsiz mähirsizligi mähirsizlik 0 4 @Baýram_Bejidow • 23:56, 21.11.2023 ,,Dostjan" sözünden öñ << , >> belgini goýan bolsam öñündäki sözlem kesilip ,,Dostjan" sözini aşakdan aýratyn ýazmaly bolardym, eger beýle eden bolsam şol bendiñ sýujeti ýitip bilme mümkinçiligi bardy. 0 5 @Baýram_Bejidow • 23:57, 21.11.2023 ,,Hem biwepa, hem wepaly..." Bu setirde bolsa köp ynsanlaryñ ikiýüzlidigini ýañzydyp şol ahwaly oñlap bilmeýänimi nygtadym. 0 6 @Baýram_Bejidow • 00:00, 22.11.2023 ,,Agtarmak" bolmalydy ol aýdanyñyz bilenem ,,däldiremek" däl-de ,,däliremek" bilenem ylalaşýan harp ýalñyşlyk giden eken. Dogry tankydyñyz üçin köp minnetdar!!! 0 7 Pegas • 11:39, 22.11.2023 Ýalňyş şol "duş gelýän" formalaryň käbiri. Dar çekimlileriň düşmek kadasy bar ýörite. 0 8 Pegas • 11:42, 22.11.2023 Hiç zadam bolmazdy, Baýram. Ýüz tutma söz sözlemiň başynda gelende sözüň soňundan, ortasynda gelende iki tarapyndan, soňunda gelende öňünden gelende otur belgisi goýulmaly.

запомнить
Забыл пароль \| Регистрация

E-mail:
Пароль: