şeýle gep bar:
ýalbaryp duran birine okamaga kitap beren - samsykdyr.
ol kitaby okap, yzyna eltýän hem - samsykdyr.

birhilimi?
kitap soramak samsyklyk, bermek samsyklyk, yzyna getirmek samsyklyk.... :-)

Biri beýlekiden soraýar:
-Okan kitaplaryňda özüň barada aýdylan ýaly ýerlerine duşduňmy?!
-Hawa.
-Haýsy kitapda?!
-Psihiki bozulmalaryň uly düşündirişli sözlüginde.

Ýazyjy özüniň: “Men nädip millioner boldum” atly kitabyny neşir etdirmek üçin hemaýatkär gözleýär.

Billi Geýts her bir ýazan kitabyny iki jiltde ýazýar. Ikinji jildi birinjisiniň “obnowleniýasy”.

Aýal edil açyk kitap ýalydyr. Ýöne ol hytaý ierogliflerinde, kwant mehanikasy barada ýazylandyr.

Öý hojalygyny ýöretmek boýunça gollanmadan alnan jümle:
“Unitaz - bu öý bikesiniň ýüzüdir”.

Millioner Jeýms Gowartni kitap ýazyp, neşir edipdir. Bir aýlap hiç kim onuň kitabyny satyn almandan soň, ol, gazetde gysgajyk habar çap etdiripdir: “Millioner Jeýms Gowartni öz kitabynda keşbini çeken gyzy ýaly gyza öýlenmek isleýär”. J.Gowartniniň kitaby üç günde dükanlardan ýom-ýok bolupdyr.

Ýigit bilen gyz diskotekada tans edýärler. Ýigit gyza lak atýar:
-Men seni edil iň gyzykly çeper eser ýaly edip okasym gelýär!
Gyz sülmüräp jogap berýär:
-Onda näme diňe daşyny sypap dursuň?!...

Bir okyjy dostuna zeýrenýär:
-Men galyň romanlary okap bilemok. Gahrymanlaryň we wakalaryň köplüginden ýaňa başym aýlanyp başlaýar...
Dosty maslahat berýär:
-Onda “Robinzon Kruzony” okaýsana...

Adamyň öz-özüni kämilleşdirmegini öwredýän kitaplaryň ählisi, Maýamide ýaşaýan adamyň Magadanda ýaşaýan adama “rahatlyk zolagyndan” (zona komforta) çykmagy maslahat bermeginden ybaratdyr.

Kinoteatrda syçan kinofilmiň lentasyny gemirýär. Deňesinden geçip barýan başga bir syçan ondan soraýar:
-Nähili, gowumy?!
-Kitap görnüşindäkisi has gowudy.