Name: Şäher diýeniň Mary ýaly bolaýsa...
Item: Şäher diýeniň Mary ýaly bolaýsa...
Author: Мango

Baş sahypa » » Şäher diýeniň Mary ýaly bolaýsa...

09:14 Şäher diýeniň Mary ýaly bolaýsa...
MARY (2500 ýyllygyna ýazylan goşgy) On-on iki ýaşlarymyzda şeýleräk pikir ederdik. Şäher diýeniň Mary ýaly bolaýsa... Köçeleri asfaltlanan, Jaýlary gatbar-gatbar, Hatar-hatar. Başyň aýlanar gider, Bilmersiň aňsat-aňsat Niredekä gündogar, Niredekä günbatar. Turbalary burugsap, Keşde çeker asmana. Gudoklary zoguldap, Başlar täsin dessana Hem furgondyr maşynlaň Seslerine ses goşar. Ýerde dogan ýalydyr Müňlerçe älemgoşar. Kä jaýyň gapysynda Märeke topar-topar. Lak atylan gelinler Ýigitleriň deňinden Gülüp, sülmüräp öter. Suwsadyňmy?!. Eý, teşne, Buzly, gyzyl suwdan iç. Ýadadyňmy?! Нol köpriň Üstünde dynç al-da geç! Hemem synla Murgaby Obaň onlarça ýaby Birleşse-de, onça ýok. Tolkunlary lemmer-lemmer, Murgap ýa-ha dälirändir, Ýa-da bolandyr gammar. Owadanmyş Moskwa, Görmesemem ynanýan. Gaýybana aşyk men, Oňa uýýan, sygynýan. Ýene-de köp şäherleriň Agzaýarlar adyny. Emma, beýdip aldamaklyk Aňsat däldir adamy... Madrid Maryça barmy? Pariž Maryça barmy? Маrу ýaly owadan Hem uly şäher bormy? Men-ä duşamak şindi, Ynanman, bar diýseler Haýsy şähere barsaň, Hökman Mary küýseler. Şäher diýeniň Mary ýaly bolaýsa... Italmaz NURYÝEW.
1 2 3 4 5 Bölümler: Goşgular \| Görülen: 77 \| Mowzugy paýlaşan: Lacrymosa \| Рейтинг: 4.0/2

Похожие материалы

Awtoryň başga makalalary

Ähli teswirler: 4
Порядок вывода комментариев: 0 1 Мango • 14:13, 03.12.2023 menem 2023-iň komplimentini aýdaýyn Mary şäherine. arada Mara gidemde reňga-reň maşşynlary görüp, witrinaly, wyweskaly dükanlary görüp gözüm ýaşaryp gitdi. şäher diýeniň Mary ýaly bolaýsa... ýöne her nämede bolsa şäherleň gowusy Bombeýdir-le! 0 2 Atsyzatly • 14:17, 03.12.2023 Öňem biri: "Aşgabatly dowzaha düşse ak maşyn sürmeli edipdirler" diýýär.)) 0 3 Medicall • 14:53, 03.12.2023 "towşana dogduk depe" diýleni-da, gowy goşgy, italmaz daýy ajaýyp Şahyr! Aşgabatdan aňry geçip görmedigem bolsam, şujagaşja ýerine belligimi aýtman geçsem karam bolar: Lak atylan gelinler Ýigitleriň deňinden Gülüp, sülmüräp öter gelinlere lak atýan ýigitlere-de, lak atylanda gülüp, sülmüreýän gelinlere-de No, nO, no diýýän, laky gyzlara atylýardy biz obada, gelinlere däl))) Gaýybana aşyk men, Oňa uýýan, sygynýan. diňe Hudaýa sygynylýanmyka diýýädim... Emma Mara-da Italmaz aga-da RESPECT! 0 4 Lacrymosa • 16:05, 03.12.2023 Maru-Şahu Jahan --- ne ajap şäher! Doýmarsyň, baksaň-da oňa her säher. Mary gyş hem gözel ýazdakysy deý, Jöwzaly tomus hem güýzdäkisi deý. Kim görse ýa ýurdy saýsa Maryny, Küýsärmi, heý-de ol özge ýerini?! Nazar Gullaýew (ýatan ýeri ýagty bolsun!) ýazdyrypdy. Seljuk şahyrynyňky diýip...

запомнить
Забыл пароль \| Регистрация

E-mail:
Пароль: