07:53 Allanyñ haýasy | |
| ALLANYÑ HAÝASY Allahyň haýasy ylahy bir ahlak we syrdyr. Allah haýaly bolany üçin gullarynyň hatadyr günälerini ýüzüne basmaýar, geçirimlilik edýär. Başgaça aýdylanda, Allahyň haýasy gullaryny utandyrmakdan utanmak haýasydyr. Allahutagalanyň haýasy bilen baglanyşykly şu rowaýaty gürrüň berýärler: Allahutagala kyýamat-magşar güni hasaba çekilen bir garrydan: - Näme üçin bu günäleri etdiň? - diyip sorar welin, ol bende şol günäleri edendigini inkär edip, ýalan sözlär. Rahman we Rahym bolan Allah: - Şeýle bolsa, bu bendämi Jennete äkidiň - diýer. Bu gezek perişdeler ara girip: - Eý Rabbimiz, bu bendäniň şu günäleri işländigini Siz özüňiz bilýärsiňiz - diýerler. Allahutgala bu gezek olara şeýle jogap berer: - Hawa, şeýle welin, ol Muhammet ymmatyndan bolan gojanyň agaran saçyna-sakgalyna seretdim, aýybyny, günäsini ýüzüne urup, ony utandyrmakdan haýa etdim. Bu habary Jebraýyl perişde Pygamberimiz sallallahu aleýhi weselleme ýetirende, rehim-şepagat we haýa nusgasy Serwerimiziň gözlerine ýaş aýlanýar we şeýle ybratly sözleri aýdýar: - Allahutagala ymmatymyň aksakgallaryna azap etmekden haýa edýär, emma ymmatymyň aksakgallary günä işlemekden utanmaýarlar. (Kenzül-Ummal). | |
|
| |
| Ähli teswirler: 2 | |
|
| |
