01:38 Bagyşlanýar... | |
| BAGYŞLANÝAR... “Meni Jennetden öňürti Watanyma ýetiriň” diýen setirleriň awtory © Eziz Amannazarowyň ruhuna Sen Ezizdiň, ejiz däldiň ahyry Hem jennetden öňürti Watanyňa ýetjekdiň. Nä dymyp ýatyrsyň şahyr halyňa, Ah, ümsümlik ýatanyňa degjekmi? Ne bir arzuwlaňdan niçüýn el çekdiň? Ýaşamaga galmadymy bahana? Watan saýyp ýassanypsyň behişdi, Şoň üçinem sygmadyňmy jahana. Sen sadadyň, Sen ýadadyň, Bezikdiň, Sen Ezizdiň Hem şonça-da ezildiň. Paýymy şahyrlaň ezilmek, ýanmak? Ýandyňam, Ýazdyňam, Ýaşdyňam ýöne, Doldurmak islediň durmuşyň kemin. Belki, şoň üçinem goşgyň deregne Sen tutuş ömrüňi jemlän ekeniň. © Serdar AÇYLOW | |
|
| |
| Ähli teswirler: 1 | |
|
| |
