17:21 Düýşlerime gir | |
 Gözlerim ýoluňda goýduň söýen ýar, Hiç bolmanda, düýşlerime girsene. Seni küýsäp ýürek bolmyş bikarar, Hiç bolmanda, düýşlerime girsene. Utanyp söýgümi bilmedim aýdyp, Sen menden kineler edersiň öýdüp, Ýumsam gözlerimi hyýala gaýdyp, Hiç bolmanda, düýşlerime girsene. Men seni söýýärin, ýüregim berip, Garaşýan ýoluňa gujagym gerip, Bilmesemde seniň gül keşbiň görüp, Hiç bolmanda düýşlerime girsene. Yşgyňda şeýda men, mejnun mysaly, Eýeledi keşbiň arzuw hyýaly, Syratyňy görüp ezizlär ýaly, Hiç bolmanda, düýşlerime girsene. Bilýärin sen meni, söýersiň bir gün, Ýar, galmasyn kalpda kine ýa düwün, Her dem, jemalyňy küýseýär göwün , Hiç bolmanda, düýşlerime girsene. Ýyldyzlar nur saçan gijeler ýaly, Köňül keşbiň görüp dynjalar ýaly, Süleýmanyň, kalby ynjalar ýaly, Hiç bolmanda düýşerine girsene. Süleýman TEKÄÝEW | |
|
| |
| Ähli teswirler: 0 | |