15:10 Gazetde çap bolan ilkinji goşgularym | |
 ÝAGSANA ÝAGYŞ Ýagsana, ýagyş! Kirşenläpdir ýüregimiň münberi, Toz basypdyr köne duýgy dünýäsin, Sen olary bir enaýy ýuwsana. Dama-dama köl bolmaly damjalaň derman bolsun, guýsana bu gursaga. Ýagsana, ýagyş! Dem salym dem alsyn dumanly dünýäm, Ýok edip birmahal hapa çöp-çalaň siňen gussa atly uýgynyň baryn. Seniň jusa uzaklardan görünýän bulutlaň gelerne garaşyp durun. Ýagsana, ýagyş, Durmasana säher agysy tutup, aglap bilmän duran çaga meňzäpjik. Hiç bir ýana sowman çygly ýüzüňi, ýere sary gaýdyber-dä dyňzapjyk. Ýagaý-a, ýalbarýan, edil şu pursat Hasrat atly böwetleri a:şa:ýyn. Duýgularmy bildirmänjik hiç kime, ýalandan hem bolsa, ýekeje pursat menem il deňinde bagtly ýa:şa:ýyn. Maňa bu sowgady etsene bagyş, ýagsana, ýagyş! Bagtym Dünýä gelip, indi-indi az-kem gözlerim açyldy. Gördüm baglaň pyntyklanyn, güýzden ýapraklaň gaçanny. Ýazyň güni üşap gördüm, ýanyp gördüm garly gyşda. Oda, suwa akylymy ýetirdim on sekiz ýaşda. Ýene şol ýaşda öwrendim küşt oýnuny bu pelegiň. Indi düzgünin-ä bildim, kämilleşmeklik geregim. Alyp bilsem gollaryma pelegiň gyşu-ýazyny. Goýup gitsem ýollaryna pessaýja basyp yzymy. Nepim degse bu Watana, aýagym düşse äleme, Mundan uly bagt maňa, aýdyň, bolup biler näme?! Köwüş we kitap Bir gün ýola çykdym, howa-da sowuk, Ellerim açykda buz bolup durka, Täzeje bir köwüş alyp dükandan, Soň kitapça bardym, boldy bir waka: Aldym kitapçydan üç oňat kitap hem salmak isledim hälki gabyma. Bu ullakan gapda – gör niçik geň zat – Kitap ornamady köwşüň ýanyna. Bu gudrata zikru-salawat aýtdym hem kitaby ele alyp gaýtdym. © Süleýman HOJANEPESOW 11.02.2019. «Biznes reklama» gazeti | |
|
| |
| Ähli teswirler: 1 | |
|
| |
