08:54 "Gutardy" diýersiň,gutarmaz ýöne... | |
 "GUTARDY" DIÝERSIŇ, GUTARMAZ ÝÖNE... "Gutardy" diýersiň, gutarmaz ýöne, Aýralyk kalbyňy pycaklar durar. Gündizler ham hyýal ünsüňi sowsa, Gije keç ýalňyzlyk gujaklar durar. Ne öli, ne diri bi güman halda, Göwüniň gönüni eýlär ýörersiň. Ruhuň-a ýaradar, pikirleň agsak, Maýyp ykbalyňy süýrär ýörersiň. Kemteriň nä? bir ýyly söz, ýa mähir, Barabardyr tapylgysyz hazyna. Ýöne ähli barlygyňdan aýrylan, Meňzeýänsiň bir pukara, garyba. Sebäp köňül şalygyňy terk edip, Yşgyň kepderisi ucup gidendir. Söýmejek,söýülmejek ýaly hic wagt, Seni ýalnyzlyga bendi edendir. Şamcyragyň elden alynan ýaly, Dönensiň alaçsyz düňle bir köre. Aýralyk kalbyňy pycaklar durar, "Gutardy" diýersiň,gutarmaz ýöne... 25.10.23ý © Şagül DOWADOWA | |
|
| |
| Ähli teswirler: 0 | |