Uruş gutardy, diri galanlar watanyna gaýdyp geldiler,
adamlaryň ýüreginde sähelçe şatlyk döräp başlady. Emma uzak bolmady, Taňrym türkmen
halkyny ýene bir synagdan geçirdi,1948-nji ýylyň 6-njy oktýabry gijesi Aşgabatda ýer titräp, owadan şäherimiz bir gijede weýran boldy. Paýtagtymyzda ýaşaýan 198 müň
adamdan 176 müň adam bir gijede şehit boldular, galanlarynyň köpüsi maýyp-müjrüp galdylar... ol heläkçilik biziňem maşgalamyza degdi, ilki agşam ýatanymyzda dört başdyk, 33 ýaşly mähriban ejem, 10 ýaşly uluja doganym Nyýazmyrat, 6 ýaşly jigijigim Muhammetmyrat, şol gije şehit boldular, ertir daň atanda ýykylan öýümiziň
üstünde, entek sekiz ýaşy dolmadyk men otyrdym. şeýdip, alty gije-gündiz ýeke özüm oturdym, ejemiň, kakamyň garyndaşlary ýedinji gün gelip ölen käbämi, doganjyklarymy äkidip Ymam-Kasym öwlüýäsinde jaýladylar.
şol alty gije-gündizde çagalyk döwrümiň gutaranyny bildim, gözümdäki ýaşlar ebedilik gurady...

Saparmyrat Türkmenbaşy. Ruhnama.

Ýer titräp (1948-nji ýylda), ýatan jaýynyň potology durşy bilеn aşak gaçsa-da öz krowatyna dirеnip, gudrat bilеn aman galan, şol wagtlar rеspublikanyň ýaşlar gazеti «Ýaş kommunistiň» rеdaktory, soňra Türkmеnistanyň halk ýazyjysy Ata Atajanow ol agyr güni şеýle ýatlady: «Daň atyp jahan ýagtyldy wеlin, görsеk şäher ýok. Ölmän diri galanlar üýşüp ot ýakynýarlar.
Kimsi kеsеklеriň aşagyndan eşidilýän iňňildä tarap ylgaşlap barýar., kimsi bir ýеri döwlüp maýyp bolan garryny tutup dur, kimsi eýýäm gatap galan mеýdi maşyna ýüklеjek bolup dur. Adamlar biri-birinе kömеk edýärlеr.
Tеlеfon, tеlеgraf işlänok. Poýеzd ýöränok. Daşky dünýä bilеn ähli aragatnaşyk kеsilipdir…».

Ýürekleri sarsdyran elhenç, aýlyganç hadysalar.. gidenlere ak iman bersin, galanlara giňlik, sabyr, saglyk bersin. indi bir gaýtalanmasyn, dünýä abat dursun, görüner görünmez apatlardan Adamzat kowmuny, janly-jemendesini gorasyn Ýaradan..

Ol bigünä gyzyň jaýy Jennetde bolsun!
Eý, Allahym, indi beri bendeleriňi agyr sütemlerden Özüň gora!