09:04 Magtymguly Pyraga | |
 Ajap waspnamasy gadym taryhyň, Beýik, Magtymgulyň şygyr diwany. Ýürekde barymdan etjek tarypyň, Ussadym Pyragy şygyr diwanyň. Hakykaty diňleýän köp söýende, Ýoluňy ýöräber ýagşa söýende , Hazyna sen, türkmen agaň öýünde, Beýik, Magtymgulyň şygyr diwany. Geçmişden, geljekden bize söz açyp, Gelipdir dillerden, dillere geçip, Hak söz, hakydadan gitmez ol öçüp, Beýik, Magtymgulyň şygyr diwany. Aglap geldik, aglap gidýäs pelekden, Akly zyýat güýçli müň bir bilekden, Wyjdanyňy, geçiripdur elekden, Beýik, Magtymgulyň şygyr diwany. Ata-babalaryň namysy ary, Pyragy, diýdimi gutardy bary, Milli mirasymyz asyrlar sary, Beýik, Magtymgulyň şygyr diwany. Şer işlere garşy, haýryň ýoldaşy, Aýdym edip dilden düşürmez bagşy, Çekipdir kalplara öçmejek nagşy, Beýik, Magtymgulyň şygyr diwany. Bu gün, şatlygyndan ýaşarýa gözler, Jennet mekan boldy bu dagy düzler, Ussadym, taryplap gutarmaz sözler, Bize miras goýan şygyr diwanyň. Şahyr sen Akyl ummanynda paýhas gämisi, Şygyr setirleriň dürler dänesi, Poeziýa älemniň beýik danasy, Pir, erenler gujak geren Şahyr sen. Akyldar şahyrym sözüň ussady, Dünýäň çar künjine meşhurdyr ady, Döwletmämmet Azadynyň öwlady, Kalby joşup telwas uran Şahyr sen. Dillermizde hiç gutarmaz aýdym sen, Ölmez-ýitmez eser miras goýduň sen, Ajap günler geljegini duýduň sen, Bagtyýar geljegi gören Şahyr sen. Zalym pelek elden alypdy ýaryň, Ýürekde göterip Meňliniň zaryn, Eden arzuwlaryň galypdy ýarym, Ata ýurda arka duran şahyr sen. Hakdan içen şahyr dogulýar ýeke, Hak ýoldan dänmediň zoruklar çeke, Pata sorap geldim dyzyma çöke, Päkligiňde döwran süren şahyr sen. Süleýman TEKÄÝEW | |
|
| |
| Ähli teswirler: 8 | |
|
| |
