umuman, ýazýanlar, çekýänler (surat çekýänler), düzýänler, goşýanlar, aýdýanlar, diýýänler, oýnaýanlar... sungata ýakynlaşanlar, adaty adamlardan biraz saýlanýanlar bolýar. olar (eger hakykysyndan bolsa) jemgyýeti terbiýeleýänler, jemgyýeti ugrukdyrýanlar, kämilleşdirýänler bolmaly.
olaryň gazanjy barada... bilmedim, ýöne "biziň obamyzda" ýazyp-pozup gazanç etmek kyn zatmyka diýýän. ýewropada auditoriýa kän, kitap okaýan kän, neşirýätlar sen mynasyp bolsaň kitabyňy çykaryp hem saňa hem özlerine gazanç edip bilýäler... çeken suratlaryňy şahsy kolleksionerler alýalar...
sogap... sogap... sogap bolsa her kese gerek zat, ýazýana-da okaýana-da...

ýeri bolýa, ýöne " Ile kömek etmek üçin ýazmak. "Maňa plan temadan, plan hili goşgy ýazyp beräýiň" ýaly haýyşlar ...boýunça eser ýazyp adamlaryň alkyşyny almak biziň üçin uly bagt dälmi eýsem?" diýen pikiriňe... ýok diýýän. bu bagt däl diýýän.
men-ä zakaza işleýän sungat adamlaryna hormat goýasym gelenok. olara sungat adamsam diýesim gelenok. olara orsça aýtmaly bolsa ремесленник diýäýmesem. zakaza ýazylan goşgulary okamagam özüňi äsgermezlik bolýa. meniň pikirim. ylalaşman bilersiňiz.

«emr-i bi’l-maruf we nehý-i ani’l- münker» barada.
bu emir, ýagny «ýagşylygy ýaýyp (maslahat berip), erbetlikden saklamak (päsgel bolmak)» musulmanlara berilen emir we ony elbet-de her kes, adam bolan her kes ýerine ýetirip bilse ýagşy. şeýle hem ýazýanlaram.

sozuň soňunda Gerçeknazar seniň sözsoňyňa deginesim geldi. näme diýýäň:
"Sözi näçe uzaltsaň uzaldybermeli, ýöne uzaldyp oturjak däl. Ine "Näme üçin ýazmaly?" diýen soraga iň gowy jogaplar".
jan jigim jan! beren jogabyň iň gowy jogapdygyny nireden bilýäň. näme sebäpden özüňe özüň uly baha kesýäň. gowy jogapmy, gowurak jogapmy - ony biz aýtmaly ahyryn.
ýene-de, minnetdar.
janyň sag bolsun, döredijilikde üstünlikler.

Gerçeznazar, Siz ýazyjy-şahyr bilen ahun-mollalaryň ýerini çalyşypsyňyz, özüňem ýazyjy boljak bolup ýörmegiň deregine, baryp mollaçylyk okasaň, sizden bir gowy ahun çykmagy mümkin, ýöne şahyr-ýazyjy hiç haçan çykmaz. Biz dini adamlaryň işine burnumyzy sokmaýas-a, sizem biziň soraglarymyza iň dogry jogap gaýtarjak bolup azara galmaň! Özümiz jogap agtararys

Ywraýym daýy, mynyñyza siziñ "ýazyjylygñyza-da" , ýaşyñyza-da gelişmedik ýaly. Siziñ bu teswiriñiz ýaly aýtmagy her kim oñaraýjak ýaly, hakyky ýazyjylar welin oñarmajak ýaly. Başgaçarak aýdaýmaly ýaly.
Menem gödegräk ýazdym. Jogap gerek däl ýaly.. Sagboluñ.

Men näme üçin ýazýanyma anyk jogap berip bilemok, Ilkinji nobatda duýgulandyrsa, kimdir biriniñ pikiri bolsun, özümde döresin esasy duýgy oýarsa, içimden çykan setirleri bezäp bilsem. Zakaza ýazylan goşgy (kähalat ýüzden geçip bilmeýänlerim bolaýmasa) Mango daýy bilen pikirdeş. Bu sözleriñ bilen biraz Ibrahim kakanyñ gaharyny getiren bolsa, diýmek birazajygam bolsa, jogaby ýerlikli(gödegräk diýmeseñ). Ýazmagyñam dürliçe düşündirip bolar. Ýöne hakyky ýazyjy şahyrlaryñam bir gapdalynda gazanç bardygyny aýtsam ýalñyşmasam gerek. Emma ýörüte reklama edip zakaz alýan bolsalar. Onda olara şahyr, ýazyjy diýmek gelşiksiz, biznesmen diýesim gelýär.

Mollaçylygy okadym ýöne ahuna çykmadym. Ahun bolmak dilde aňsat ,durmuşda juda kyn mesele.Görerisdä Alla nähili ykbal nesip etse ýaşaberýäs. Ýöne ýazyjylykda höwesim bolan soň ýüregimdäkileri ýazyberýändä.

Dogrysy özümem käbir "mollalary "halamok