13:50 Sada ýaşamak arzan, ýöne kyn | |
SADA ÝAŞAMAK ARZAN, ÝÖNE KYN  (Ýagşy Goşunow öý goşlary satýan dükan bilen tanyşdyrýar…) Käbir adamlary görýärin, özleriniň geýmejek, özleriniň iýmejek, özleriniň öýlerine satyn almajak, ulanmajak zatlaryny beýlekilere hödürleýär. Gep bu ýerde iýilýän, geýilýän zadyň arzanlygynda ýa-da gymmatlygynda däl. Türkmenler şu zatlary gowy satyn alýar diýip, eşik tikýänem sygan eşik tikýär, öý goşlaryny getirýänem syganlaryň öý goşlaryny getirer. Herkim şeýle bolansoň, ýurdyň içinde diňe şol zatlaryň arasynda saýlaw döredilýär.  (Hytaýdan getirilýänçä ýakan benzinine, hapalan howasyna degmeýär…) Adamlara hakykatdan hem sada we gowy dizaýn edilen zatlary getirip bermek we satjak bolýan adamlar az. Käbir ýerlerde adamlar Ikeanyň iň ýönekeý surat ramkasyny tapmakda kösenýär. Oň ýerine ondan 5 esse gymmat we 10 esse gorkunç, nagyşly, gyzyl çaýylan ramkalarynyň 100 sanysyny tapyp bolar. Sebäbi köp söwdegäriň gözünde “sada zatlaryň alyjysy az”. Herkim öz ýanyndan belli bir analiz edilmedik we diňe öz tanyş-bilişleriniň öýünde gören we “şu zatlaryň alyjysy köp” diýip pikir edýän zatlaryny ýurda getirýär. Aslynda ol alyjylaryň köpüsi hem başga saýlawlaryň bolmandygy üçin ol zatlary ulanmaga mejbur bolup satyn alýarlar. Adamlara bir harydy hödürlemezden ozal, ol harydy saýlawyň bolsa özüň ulanardyňmy, öýüňde goýardyňmy, geýerdiňmi, iýerdiňmi, içerdiňmi, şol soraglara jogap bermeli… © Agajan HEZRETGULYÝEW. Çeşme: https://medium.com/@agajanh/sada-%C3%BDa%C5%9Famak-arzan-%C3%BD%C3%B6ne-kyn-e2c78d86f31f | |
|
| |
| Ähli teswirler: 6 | |
|
| |
