18:56 Söz manysyn añar bolsañ.. | |
 NEÝSAN ÝAGYŞMY ÝA BALYK?! Kimýa näme zat Dogrudan-da, kimýa o:tmy ýa ot? Aşakdaky setirlerden çen tutsak, ol oda däl-de, ota meňzeýär. Mar (ýylan) oglundan gorkar köl gurbagasy, Kimýany tanarmyş çölüň lagasy (pyşbaga), Derýalarda doglan düwlen (týulen) çagasy, Sowuk suwy süýt ornuna içermiş... Geliň, ilki kimýa oty hakynda gürrüň açmankak, köne ýazgylardaky: «Abu Neýsan kimin dür bolup damsam» diýýän setirleri yzarlalyň. Niçikmi, bahar aýlary belli-belli ýagyşlar 1. — Nowruz ýagşy 2.Neýsan ýagşy, Keýik garamygy asmandan seçelenýär. Neýsan ýagşy — bahar aýy Neýsan balygynyň rysgaly üçin iri damjalaryny juda gysganyp sepeleýän ýagyş. Ýöne damjalaryny gysgansa-da, onuň düşen ýeri täsinlige öwrülýär. Arap ertekileriniň soňunda agzynda dür saklap duran balygyň şekilini görensiňiz. Şol balyk Neýsan balygy. Ol agzyna düşen damjany ýuwudýar-da, derýanyň düýbüne çümýär. Soňam şol damjalar düre öwrülýär. Ertekilerdäki derýanyň düýbünden lagyl-göwher alynýar diýilmegem, şol Neýsan balygyň agzyndaky dürler bolmaly. Neýsan ýagşy suwa düşende düre öwrülýän bolsa, gury ýere düşende nähili täsinlikler döreýärkä?! Neýsan ýagşy gury ýere düşende, kimýa atly ot gögerýär. Ol otam ýeke-täk tanaýan çölüň lagasy — pyşbaga. Şonuň üçinem ol dünýäde iň uzak ýaşaýan haýwan. Ýene bir täsinlik, eger kimýa otuny bilmezlikden taýa garaşylýan baýtal iýäýse, ol owadanlygy deňi-taýy bolmadyk taýy dünýä berýär. Ony ene goýun iýse, ol üýtgeşik — sury baganaly guzyny yzyna tirkeýär. Taýýarlan: © Merdan ABAÝEW, Türkmen döwlet medeniýet institutynyň mugallymy. | |
|
| |
| Ähli teswirler: 1 | |
|
| |
