10:50 Tanarlar seni | |
 TANARLAR SENI «Meni tananoklar» diýme, ezizim, Nesip, öýlenemde tanarlar seni. Başa täçsiň, etmen seni kenizim, Guda goýberemde tanarlar seni. Gerekdir söýgüde pynhanlyk, ahlak... Şonda wysalyna ýetmegi ahmal. Onsoň meňem başga gyzlara bakman, Çyndan söýmegimden tanarlar seni. Zerur däl adamlaň «agzyn ýadatmak», Möhüm — bir-biregi kalpda ýaşatmak. Nämä gerek söýgimizi paş etmek?! Gelin toý beremde tanarlar seni. Şondan soň bor ýüregiňem ýellije, Tanajak adamlaň bolar bellije. Baldyzlaryň diýjek bolsa: «Gelneje», Atýan öýmeleňden tanarlar seni. Gelnim borsuň bir enaýy, edepli, Şol bagt saňa ýetik dälmi, ýetikmi?! Ile çyksam — ütüksizmi, ütükli... Geýýän köýnegimden tanarlar seni. Ejemiň: «Gelnim jan» sözüni eşdip, Çekişiberersiň öýmüziň keşgin. Müdimilik ornaşypdyr seň keşbiň, Mele gözlerimden tanarlar seni. © Baky AMANÝAZOW "Nesil" 11.02.2023ý | |
|
| |
| Ähli teswirler: 0 | |