16:13 Unudyp ýörün | |
 UNUDYP ÝÖRÜN Bary başlanşy deý gutardy birden, Dowam etdirmeli öňkije ýerden. Ýatlamaň baryn öçürip serden, Başardykça seni unudyp ýörün! Şunça söýgi ýeke demde soňlandy, Gulagymda şat gülküleň ýaňlandy, Içimde müň hupbat, soňsuz jeň boldy, Ýalňyz gara bagrym gan edip ýörün! Kino däl-ä söýgi gutarar ýaly, Bir günde ýok bolup ýitirer ýaly, Yşk bir müdümi zat ertirler ýaly, Seniň-de gulagyňy şaňladyp ýörün! Düzetmäge maý bermediň arany, Ondan soňam görkezmediň garaňy, Herdem ýatlap, ýene köne ýaramy, Öz ellerim bilen ganadyp ýörün! Ruhum geçmişimde ygyp ýör tensiz Sen bolsa oňjagam ekeniň mensiz, Ýer gök arasynda ýüreksiz, sensiz , Menem ýaşamaga jan edip ýörün! © Süleýman TEKAÝEW | |
|
| |
| Ähli teswirler: 0 | |