11:02 Uzakdan söýmek | |
| Hyýaly dünýäme nur saçan aýym, Ýykmaga gorkupdym, seň göwün raýyň, Söýgi saçagyndan düşenje paýym, Daşyndan guwanmak, uzakdan söýmek. Seni diňläp maňa ýetmedi nobat, Ýogsam, biz ikçäk kän geldik gabat, Galdyrmaz adamda ne güýç ne gurbat, Daşyndan guwanmak, uzakdan söýmek. Içimdäki duýgym bilmedim aýdyp, Şoň üçin, arzuwlam galdylar göýdük, Gezdim, bir salgyma bagtymdyr öýdüp, Daşyndan guwanyp, uzakdan söýüp. Gatnaşyk, geçmedi dostlukdan aňry, Gursakda göterdim, söýgümiň gabryn, Ygtyýarym alyp, guratdy sabrym, Daşyndan guwanmak, uzakdan söýmek. Özüňden bilibem duýmadyň derdim, Duýgulam, sen diýe seslendi herdem, Başyňa düşdümi göreşgin merdem, Daşyndan guwanmak, uzakdan söýmek. Bir taraply söýgi ýalňyz ýöremek, Gelmejegni bilip, ýola garamak, Kiçijik umydyň yzyndan barmak, Daşyndan guwanmak,uzakdan söýmek. Öz ýoluma özüm, gazsamda çukur, Kalbymyň, sesine bolmadym müňkür, Dünýämde baryňa edipdim şükür, Daşyňdan guwanyp, uzakdan söýüp. Bagtyňy, bagtymdan görüpdim üstün, Bile bolmakda-da, bolmady kastym, Bolmaga taýyn men bir ömür dostuň, Daşyňdan guwanyp, uzakdan söýüp. Süleýman Tekäýew Прикрепления: Картинка 1 | |
|
| |
| Ähli teswirler: 0 | |