08:58 Wyždanyň sesi | |
| Ýürekde döränsoň söýgüniň yşgy, Menem şygyrýetden döretdim köşgi, Neneň onsoň joşup, ýazmaýyn goşgy, Wyždanym, oýaryp seslenip durka. Ne gündizi bilýär, gijäni bilýär, Hakyt kölegäm-deý, ýanymdan gelýär, Özüçe, kazydeý soraglan bolýar, Wyždanym, oýaryp seslenip durka. Aglanyň ýanynda, aglajak bolýar, Kä beýnim duýgymy aldajak bolýar, Diň salyp kä ony, aňlajak bolýan, Wyždanym, oýaryp seslenip durka. Ýamanlary görüp, gaçýar höwesim, Düşünmek kyn, adamlaryň hemmesin, Niçik, goýdursamkam ýüregmiň sesin, Wyždanym, oýaryp seslenip durka. Göwne degen bolsam, baryp ýoklaýyn, Toba edip özüm oda oklaýyn, Gijelerne, nädip rahat uklaýyn, Wyždanym, oýaryp seslenip durka. Günler geçip durla mysaly akym, Bir günem ölmeli, däldir bu çakym, Kim iýip bilerdi özgäniň hakyn, Wyždany, oýaryp seslenip dursa. Uzak ýol dostlarňa elberip bolýa, Ýagşylaň yzlarna eýgerip bolýa, Halaly, haramdan saýgaryp bolýa, Wyždanyň, oýaryp seslenip dursa. Şonuň üçin düşýän mydam oda men, Gözläp tapylmadyk, täsin ada men, Elim galam tutsa ýazyp ýadaman, Wyždanym, oýaryp seslenip durka. Süleýman Tekäýew | |
|
| |
| Ähli teswirler: 2 | |
|
| |
