08:06 Ýaş alymdan biznese täze çemeleşme | |
ÝAŞ ALYMDAN BIZNESE TÄZE ÇEMELEŞME  Aşgabatdaky «Arçabil» myhmanhanasynda ýaş alymlaryň we işewürleriň arasynda «taslamadan önüme çenli» diýen şygar bilen bäsleşik geçirildi. Onuň bilen ugurdaş «MCT Agency» hojalyk jemgyýetiniň, Türkmenistanyň Ykdysadyýetçiler birleşiginiň guramagynda birnäçe hepdäniň dowamynda biznes-trening guraldy. Sapaklarda ýaş alymlara we işewürlere taslamany taýýar önüme çenli ýetirmegiň ýoly, usullary, çemeleşmeleri öwredildi. Türkmenistanyň Ylymlar akademiýasynyň Tehnologiýalar merkeziniň ýaş alymy Jennet Baýramgeldiýewa «Biz bilen» ykjam goşundysyny bäsleşige hödürläp, ýeňiş gazandy. Ýaş alym bu işini döretmezden ozal, ýurdumyzyň bazaryny we dünýä tejribesini içgin öwrenipdir we şondan soň öz goşundysynyň taslamasyny taýýarlapdyr. Häzirki wagtda alymyň hödürleýän ykjam goşundysy ýaly programmanyň türkmen bazarynda ýokdugyny bellemeli. Çünki onda öndürijiler, dürli kompaniýalar müşderiler bilen «göni» aragatnaşykda bolarlar. Öz hyzmatlaryny amatly bahadan hödürläp bilerler. Müşderiler bolsa diňe bir hyzmaty däl, eýsem, hyzmaty hödürleýän kompaniýalary-da saýlamaga mümkinçilik alarlar. Mobil goşundy türkmen bazarynyň daşary ýurtly kompaniýalar üçin hem amatlylygyny ýokarlandyrar. Olara ýurdumyzyň ykdysady giňişligine ýeňil girişmegine mümkinçilik berer we sagdyn bäsdeşligiň döremegine getirer. Çeşmesi: https://salamnews.tm/section/ylym-bilim/ylym/pobeditel-biznes-inkubatora-pozvolit-biznesam-byt-blizhe-k-pokupatelyam-f357ab. 29.11.2022ý. | |
|
| |
| Ähli teswirler: 1 | |
|
| |
