22:14 *** | |
 Men goşgy ýazýaryn, ýazýaryn köplenç, Ýagyş hakda, ömür hakda, sen hakda. Wah, nädeýin ýazmasamam bolanok, Bir uly gaý turup bu dar gursakda Meni asla öz günüme goýanok. Her birisi ömre meňzeş damjalaň Ýene ene ýere siňip gidişi Ýüregimiň taryn kakýar inçeden. Öz dünýämde yzygider ýanjalan Saz çalynýar tebigatda, üýtgeşik, Menem bu hoş nagmalaryň aşygy. Gör, bu nagma aşyk eken bilbil-de. Bitertip ritmli çalýan mukamy Meniň kapiýasyz goşgulam ýaly Derdini ýaňzydýar nätanyş dilde... Ýagyş ýagsa, edil şo pursat menem Elim saýawansyz ezilip dursam. Hiç gerek däl ganat baglap uçmagam. Ýaýnamasam, oňa sessiz guwansam, Şudur maňa jennet, behişt, uçmaham. Meniň bu dünýäden uly tamam ýok, Ýarty galaýmasa bolar gözlegim. (Barybir ýanyma almaryn hiç zat) Ömrümi eredip guýdum setire, Seni, ýagşy goşgulamda gizledim. Wagty geler, bolşy ýaly her kime Meň üçinem Gün aşakdan doganda Ugraryn sessizje. Ýöne gidemsoň, Kim bilip dur, belki günleň bir güni Meni ýatlarsyňyz ýagyş ýaganda. 2018 Süleýman HOJANEPESOW | |
|
| |
| Всего комментариев: 0 | |