23:51 Awgustyñ gussasy | |
 AWGUSTYŇ GUSSASY Göwnüm kibi sowap barýar gijeler, Gündizler ýanyp dur ýüregim deýin. Arzuwlarmyñ mazaryna öwürdüm, Nirä gadam ursam aýagmyñ teýin. Men kysmata, kysmat maña bigäne, Irdim ömrüñ ümür basan huşundan. Duýgularym magma kibi gaýnap dur, Goşgulam petirdir hamyr ujundan. Ne sebäpden galam berdi elime Ysmaz günler tirsegine galmagaý!? Hüwülere mesgen köñül harabam, Ýüregimde dowzah kibi galmagal. Iki paslyñ sepgidinde - gaýlarda, Ýat ýurtlaryñ öwlýäsine gonmuşam. Gyza däl-de, şygra emendi göwnüm, Yşka däl-de, eşke duçar bolmuşam. Ýyllar bilen ölçenmeýär uzak ýaş, Hem ýaşyñy bilip bolmaz keşbiñden. Hasratly günleri ýyllara öwrüp, Asyrlardan-asyrlara geçdim men. Çeksem-de men bu durmuşda ýegşerlip, Ykbalynyñ egne atan keşgini. Durmuş sahnasynda ussatlyk bilen Ýerine ýetirýän bagtyñ keşbini. 26.08.2024ý. 23:34 © Akmyrat JUMAÝEW | |
|
| |
| Всего комментариев: 2 | |
|
| |
