Name: Bagyşla!
Item: Bagyşla!
Author: Мango

02:15 Bagyşla!
BAGYŞLA! Bagyşla! Mendim şol - hondan bärisi, Mendim-ä özüni asmandan asan, Yşkdan sermest bolan nebir günleriň Ýiti ökje bilen bilinden basan. Mendim - dynnym ýaljak göwrejiginde Asman bardyr öýdüp gomparyp ýören, Aý ýüzünde ýiten gulakhalkasyn Gäbi azyp, ýerden agtaryp ýören. Bagyşla, Mendim şol - ak ýollar üçin Gara günler bilen göreşmedigem, Sabryň soňy geljegiňi bilsemem, Sabryň ýaryna çen garaşmadygam. ... Meň bilen deň bolup durmady ýyllar, Şoň üçinem giň bolmagy öwrendim. Özüňi örteme, günä sende däl, Betbagtlygyň bar sebäbi: bir mendim. © Suraý BABANYÝAZOWA
1 2 3 4 5 Просмотров: 119 \| Добавил: Medicall \| Теги: Suraý Babanyýazowa \| Рейтинг: 5.0/5

Всего комментариев: 2
Порядок вывода комментариев: 0 1 Мango • 00:23, 18.06.2023 "...nebir günleriň Ýiti ökje bilen bilinden bas"-ylyşyny haladym, ýagny diýilişini haladym, ýogsam gynandym nebir günleň bilinden basylmagyna. * "ak ýollar üçin Gara günler bilen göreşme(k)" pikiri hem täsin. göreşilmän getirilen günleriň gadyram ýokdur-la, ol günler agam bolsa. * Betbagtlygyň bar sebäbi: bir mendim. sebäpleri özüňden gözlemek - bu hem gowy häsiýet. Suraý hanyma üstünlikler. 0 2 sussupessimist • 11:04, 21.02.2024 "Aý ýüzünde ýiten gulakhalkasyn Gäbi azyp, ýerden agtaryp ýören" Şu setirem, umuman obrazlaram gyzykly. Bir awtory yzygiderlikde birnäçe zadyny okap gitseň, özi bilen içgin gepleşen ýaly bolýaň. Awtora üstünlik!