02:03 Çagalar üçin goşgular | |
|
BIŞMEDIK GARPYZ Daýhandyr meniň kakam, Ýerden görýär hümmeti Gowy seretseň ýere, Bardyr onuň gymmaty. Ine, bir gezek kakam, Aldy eline pilin, Onsoň şo pili bilen Galdyrdy ýabyň çilin. Soňra ekip bir-birden, Tohumlaryň hemmesin. Öz işine jür kakam Goýmady oň emmasyn. Aý yzyna aý geçdi, Alma – nar hem ýetişdi, Bereketli güýz gelip, Hasyl baryny seçdi. Bişip hasyllaň bary, Gülläp, miwe getirdi, Dürli – dümen iýmişler Mellegmizde hatardy. “Garpyz welin bişmedi, Ala – ýaşyldy reňki, Özi uly bolsa-da, Bişmän galypdyr ýaňky” Diýip, çyndan oýlandym, Atyzlara aýlandym, “Ýalta” – diýip garpyza, Öýe tarap ýöneldim. Soradym men kakamdan: “Garpyz näme bişmändir, Bişip galanlaň bary, Ol bişip ýetişmändir?” Bu söze gülüp diýdi: “Biräýýäm bişdi garpyz, Bolma sen beýle nadyl, Garpyzyň reňki ýaşyl” Erik Ynha, ýene ýaz geldi, Ördek geldi, gaz geldi, Gülläp erik agajy Bahardan owaz geldi. Sap-sary bişen erik, Agaçdan düşen erik, “Tap” edip ýere gaçdy, Gelip ýanyma düşdi. Erik aldym elime, Süýji degdi dilime, Garap ýene erige, Pil aldym men elime. Gülläp şahasyn ýaýsyn, Get:ir geljek ýyla-da, Men-ä indi bag ekjek, Bolsun erik ýene-de. Mekdep Her gün irden atlanyp, Gidýärin mekdep sary, Diýýär eziz mugallym: “Okaň, söýüň kitaby” Gowy görýän mydama, Mekdebimiň ýollaryn, Okap, bilip, döredip, Ikilikçi bolmaryn. Ödärin men tamaňy, Has belende galaryn, Nirä gitsem mekdebim, Seni ýada salaryn © Bägül ATAÝEWA | |
|
| |
| Всего комментариев: 1 | |
|
| |
