MENU
Главная » 2022 » Декабрь » 3 » Daglar güler
09:14
Daglar güler
DAGLAR GÜLER

Daglar, maňa goýnuňyzdan ýer beriň!
Sygamok men, uç-gyraksyz giň sähra...
Ýazdyraýyn, ýagyrnymda gülberim,
Gujak açyň, enem ýaly giň, mährem.

Daglar, maňa goýnuňyzdan ýer beriň!
Dag şemaly sypalasyn saçlarym!
Goý, gözläpler öňki ýerden tapmasyn,
Meni taşlap giden garlawaçlarym...

Daglar, maňa goýnuňyzdan ýer beriň!
Derdinşeris, senem derdiň aýdarsyň.
Baý, meňzeşlik köpdür ykballarmyzda,
Öňler bir men dertlidirin öýderdim.

Daglar, maňa goýnuňyzdan ýer beriň!
Paý-pyýada ýodalarňy sökeýin.
Goý, bir saňa aýan bolsun seçeläp,
Saçlarym deý gözýaşymy dökenim.

Daglar, maňa goýnuňyzdan ýer beriň!
Dyrmyşaýyn gerişlerňe, zawlarňa.
Uzak garaşmarys ýuka ýürekli,
Gol uzadan perişdäniň aglarna.

Kömeginden ýüz dönderip perişdäň,
Şatlanaýyn, daşlar degen hamyna.
Garlawaçlarym deý taşlap gitmejek,
Güýçden gaçan şol perişdäň halyna...
...Ana, şonda....
...Ana, şonda
meni mäkäm gujaklap,
Daglar güler, daglar güler jak-jaklap...

10.01.2002ý.
Категория: Goşgular | Просмотров: 84 | Добавил: Bagabat | Теги: Laçyn Pürjäýewa | Рейтинг: 5.0/2
Всего комментариев: 4
avatar
0
1 Bagabat • 09:45, 03.12.2022
"Meni taşlap giden garlawaçlarym..." diýen setirlerde lirizm güýçli.
"Saçlarym deý gözýaşlarym dökenim" täsirli meňzetme.
avatar
0
2 Bagabat • 09:47, 03.12.2022
Dag üstüne gar ýagar,
Ýagan gara Gün dogar.
Aglaý-aglaý akja gar,
Erär Kuýaş nuruna.
Erän garlar meňzeýär,
Dagyň sessiz zaryna...
 
Neçün dökmüş gözýaşy –
– Ýeriň merdem myhlary?!
Ýa ynjydýarmy daşy,
Künüň otly syhlary?!
Ýa, Dag görse Kuýaşy,
Möwjeýärmi ahlary?!...
avatar
1
3 Medicall • 10:19, 03.12.2022
Baý, meňzeşlik köpdür ykballarmyzda,
Öňler bir men dertlidirin öýderdim.

Hawa, dert diñe özünde bar ýaly käte şeýle bir ejizleýär adam, emma daglaram ýöne ýere dymanokmyşyn..

Gowy goşgy!
avatar
1
4 Мango • 16:04, 03.12.2022
Perişde "aglady".
Gahryman "şatlandy".
Daglar "güldi jak-jaklap".
Войдите:
avatar

© Türkmen Edebiýaty 2025

uCoz